ஆடிமாதமும் குதிரைசந்தையும்... நோம்பிக்கு வந்திருங்க...

 

ஆடி மாதம் என்றாலே நமக்கு ஞாபகம் வருவது புதிதாக திருமணம் ஆனவர்களை பிரித்து வைச்சிருப்பாங்க என்பது தான் ஆனால் அது எல்லாம் நினைவுகள் ஆகிவிட்டது. கிராம பின்னனியில் இருந்து வருபவர்களுக்க ஆடி மாதம் என்றால் திருவிழாக்கொண்டாட்டம் தான் நினைவுக்கு வரும்.

 

ஊரில்  உள்ள முனியப்பன் கோயிலில் எல்லாம் திருவிழா இக்காலத்தில் தான்.  சிறிய வயதில் இருந்தே ஆடி மாதம் என்றால் திருவிழாக்கள் தான் ஞாபகம் வரும். திருவிழாக்கள் மட்டுமல்ல ஆடி 1ம் தேதி துடங்கி ஆடி 18 ஆடி 28 மற்றும் ஆடி அம்மாவாசை என இந்த மாதத்தில் பல விசேசமான நாட்கள் உண்டு.

 

அடுத்ததாக ஆடி என்றால் துணிக்கடைகாரர்களுக்கத்தான் கொண்டாட்டம்  துணிக்கடை எல்லாம் ஆடி தள்ளுபடி என்ற பெயரில் இருக்கும் துணிகளை பல மடங்கு விலை ஏற்றி தள்ளுபடி என்ற பெயரில் அதே விலைக்கு விற்கும் ஒரு வியாபார தந்திரம் தான் இந்த ஆடி தள்ளுபடி என்பது என் கருத்து.

 

அடுத்து ஆடியில் எங்கள் பகுதியில் இருந்து அதிகம் பேர் செல்லும் இடம் குற்றாலம். ஊரில் இருந்து ஒரு 20 பேர் ஒன்று சேர்ந்து 4 நாட்கள் சென்று 3 வேளையும் விதவிதமாக சமைச்சு சாப்பிட்டுவிட்டு குத்தாட்டம் சீட்டாட்டம் என கச்சேரி களை கட்டும். தினமும் இரவு பகல் என்று ஒவ்வொரு அருவியாக குளிச்சு அனுபவிப்போம் என்னைப்போல சின்னவர்கள் எல்லாம் நான் 2 முறை சென்று இந்த மகிழ்ச்சியை அனுபவித்துள்ளேன். வேலைப்பளு காரணமாக குற்றாலம் இப்ப மறந்தே போச்சு...

 

 

திருவிழாக்கள்

ஆடி கடைசியில் அந்தியூர் குருநாதசுவாமி கோயில் திருவிழா 5 நாட்கள் நடக்கும் இத்திருவிழாவிற்கு கடந்த வருடம் 6 லட்சம் பேருக்கு மேல் கூடினார்கள் என அறிவித்துள்ளனர் அந்த அளவிற்கு ஈரோடு மாவட்டத்தில் பிரசக்தி பெற்றது இந்த தேர்த்திருவிழா.

 

இத்திருவிழாவை ஒட்டி நடக்கும் குதிரைச்சந்தையும், மாட்டுச்சந்தையும் இந்திய அளவில் மிகவும் புகழ் பெற்ற சந்தையாகும். ஹைதர் அலி காலத்திற்கு முன் இருந்து இந்த சந்தை நடை பெற்று வருகிறது. இதைப்பற்றி வருடா வருடம் பதிவு எழுதிக்கொண்டு இருக்கிறேன் இந்த வருடமும் திருவிழா வந்து விட்டது.

கடந்த வருடம் நண்பர்கள் நிறைய அடுத்த வருடம் முன்னமே சொல்லுங்கள் வர முயற்சிக்கிறோம் இதைப்போல திருவிழாவை காணுவது அறிது என்றனர் அவர்களுக்காக இந்த அழைப்பிதல் பதிவு..

தேர்த்திருவிழா, குதிரைசந்தை, மாட்டுச்சந்தை என அனைத்தும் வருகிற ஆகஸ்ட் 7, 2013 அன்று தொடங்கி 10, 2013 வரை நான்கு நாட்களுக்கு வெகு விமர்ச்சியாக நடைபெறும். இந்த வருடம் 3000 குதிரைகளும், 10 ஆயிரம் மாடுகளும், 10000 ஆடுகளும், சாரட் வண்டிகளும் வரும் என எதிர்பார்க்கப்படுகிறது. இவைகள் மட்டுமல்லாமல் 6 இலட்சத்திற்கும் அதிகமான மக்கள் கூடுவார்கள் என நிச்சயம் எதிர்பார்க்கலாம்...

ஏனுங்க நீங்களும் மறக்காம வந்திடுங்கோ., வர்ற மாதிரி தோணுச்சுன்னா முன்னாடியே எங்கிட்ட சொல்லுங்கோ...

 

 

திருவிழா நாள் ஆகஸ்ட் 2013ம் ஆண்டு 6 முதல் 10 தேதி வரை.

அருகில் உள்ள ரயில் நிலையம் ஈரோடு. 

ஈரோடு, கோவை, கோபி, திருப்பூர் பகுதியில் இருந்து அந்தியூருக்கு பஸ் வசதி உண்டு.