கணவன் மனைவி ரொமான்ஸ் ரகசியங்கள்...

 

கணவனை, மனைவி கைக்குள்ளேயே வைத்துக்கொள்ள  ரொமான்ஸ் ரகசியங்கள் பல உண்டு இல்லற வாழ்க்கையில் சின்னச் சின்ன ரொமான்ஸ் இருந்தால்தான் வாழ்க்கை இனிக்கும் இதற்கு இன்னொரு பெயரும் சொல்லலாம் தலையணை மந்திரம் என்பார்கள்.

பெண் திருமணம் ஆனவுடன் அவளது அம்மா மற்றும் உறவினராக உள்ள மூத்த பெண்கள் சொல்லிக்கொடுக்கும் முதல் வார்த்தை கணவனை உன் கைக்குள் வைத்துக்கொள் என்பது தான். கணவனை கைக்குள் வைத்துக்கொள்வதற்கு தலையணை மந்திரம் மட்டும் போதாது கொஞ்சம் புகழ்ச்சியும் தேவைப்படும்.

ஒரு குடும்பத்தில் அந்த குடும்ப தலைவன் முன்னேற வேண்டும் என்றால் நிச்சயம் அங்கு மனைவியின் ஊக்கமும் உறுதுணையும் தேவை. மனைவியின் உறுதுணை இல்லை என்றால் முன்னேறுவது கொஞ்சம் கடினமே. கணவன் கஷ்டப்பட்டு வேர்வை சிந்தி உழைத்து வருகையில் அவனை களைப்பு தீராமல் பார்த்துக்கொள்ள வேண்டியது மனைவியின் கடமை ஆனால் இந்த வாங்கியம் இன்றைய நிலைக்கு பொருந்துமா? என்று ஆராயும் போது நிச்சயம் பொருந்தாது ! என்று தான் சொல்லவேண்டும்.

கணவன் மனைவி இருவரும் வேலைக்கு செல்லும் காலம் இந்த காலம் இருவரும் ஒருவரை ஒருவர் புரிந்துகொள்வதோடு இல்லாமல் இருவர் வேலைகளை பற்றியும் பகிர்ந்து கொள்ளவேண்டும் அப்போது தான் இருவரின் கஷ்டமும், நஷ்டமும், சந்தோசமும் புரிந்து கொள்ள முடியும். கணவருக்கு பிடித்த மாதிரியான செயல்பாடுகளை மனைவி செய்வதில் எந்தவித தவறும் இல்லை அதே போல் மனைவிக்கு பிடிக்கும் செயல்பாடுகளையும் கணவன் செய்யவேண்டும் என மனைவி நிச்சயம் எதிர்பார்ப்பார்கள்..

நீ மட்டும் தான் சம்பாதிக்கிறாயா? நானும் சம்பாதிக்கிறேன் என்று ஏட்டிக்கு போட்டி நடந்தால் அந்த குடும்பம் சரியாக நடக்காது ஏழரையாகவே இருக்கும். இன்றைய கால கட்டத்தில் வீட்டில் நிம்மதி குறைய குறைய எந்த பணியையும் சரியாக செய்ய இயலாது. அதனால் இருக்கும் நோய்கள் எல்லாம் வருவதற்கு ஏதுவாக அமையும். வீட்டுச்சாப்பாடு நன்றாக இல்லாத பட்சத்தில் ஹோட்டலுக்கு செல்ல மனம் ஏதுவாகும் இதற்கு இடம் அளிக்காமல் இருக்கவேண்டும்.

இருவரும் வேலைக்கு செல்லும் போது கணவனை மனைவியும், மனைவியை கணவனும் கைக்குள் வைத்துக்கொள்ள வேண்டும். முதலில் மனைவி கணவனை எப்படி கைக்குள் வைத்துக்கொள்வது எப்படி என்ற அவர்களின் ரொமான்ஸ் ரகசியங்களுக்குள் உள்ளே செல்வோம்..

காலையில் கணவன் எழும் போது நச் என்ற முத்தத்தோடு எழும் போது அன்றைய பொழுது புத்துணர்ச்சியாக தொடங்கி அன்றைய நாள் முழுவதும் புத்துணர்ச்சியாகவே இருக்கும்.

கணவனை தினமும் வாக்கிங் போங்க அப்பத்தான் உடல் ஆரோக்கிமாக இருக்கும் உடல் வலி தெரியாது உங்களோடு நானும் வருகிறேன் என அதற்காக தினமும் அரை மணி நேரம் ஒதுக்குங்கள் அது காலையாகவும் இருக்கலாம் மாலையாகவும் இருக்கலாம். இந்த சந்தர்ப்பத்தில் இருவரின் அலுவலகம் தொடர்பான விசயங்களை பகிர்ந்து கொள்ளலாம்.

அவருக்கு பிடித்தமான உணவுகளை சமையுங்கள் தெரியவில்லையா? இருக்கிறதே இருக்கு இணையம் இங்கு நிறைய ரெசிபிக்கள் இருக்கு, இதை பார்த்து படித்து செய்து கொடுங்கள். நீங்கள் சமைக்கும் போது காய்கறி நறுக்க  மற்றும் சில உதவிக்கு கணவரை கூட இருக்க சொல்லுங்க அங்கு அவ்வப்போது கிள்ளல், கொஞ்சல், செல்ல அடி என ரொமன்சை மறந்திடாதீங்க.. "அங்க அடிக்கிற ரொமான்சில் எப்படா கிச்சனுக்கு போவோம் என்று மனசு அலைபாயனும்"

எப்போதும் இன்றைக்கு என்ன ஸ்பெசல் என்பதில் ஆண்கள் ஆர்வம் காட்டுவார்கள் அது சமையல் அறையாக இருந்தாலும் சரி, படுக்கை அறையாக இருந்தாலும் சரி அங்கு ஸ்பெசலாக கணவனை கவனிக்க கவனிக்க அவர்களின் மனம் திருப்தியாகும் நீங்களும் சமையம் பார்த்து உங்களுக்கு என்ன வேண்டும் வேண்டாம் என்பதை சொல்லலாம் அப்புறம் பாருங்க அவர் உங்க முந்தாணிய பிடிச்சிகிட்டு பின்னாடியே சுத்துவார்.

ஊருக்கு அவரை விட்டு விட்டு தனியாக செல்லும் போது அவ்வப்போது போனில் பேசி நான் இருந்தா அதை செய்திருப்பீங்க இதை செய்து இருப்பீங்க என்று பேசுங்க.. அப்பத்தான் நீங்கள் இல்லாத கொண்டாட்டத்தில் தண்ணி அடிக்கிறாரா என்று வேவு பார்க்க முடியும் அதை கண்டுபிடிச்சிட்டீங்கன்னா சண்டை போடாதீங்க அவர் போக்குலியே அவரை மிரட்டி வெச்சுக்குங்க..

விலை உயர்ந்த கிப்ட் மனைவிக்கு பரிசளிப்பது என்பது கணவருக்கு பிடித்த மான விசயம். அதேசமயம் கணவர் வீட்டு செலவிற்கு கொடுத்த பணத்தில் மிச்சம் பிடித்து அதில் இருந்து கிப்ட் வாங்கிக் கொடுத்தால் கணவர் குளிர்ந்து போய்விடுவார். எனவே அடிக்கடி இல்லாவிட்டாலும் திருமணநாள், கணவரின் பிறந்த நாளில் மனம் கவர்ந்த பரிசினை வாங்கிக் கொடுங்களேன் கூடவே நாலு முத்தத்தையும்.

உள்ளூரிலேயே இருப்பதை விட 3 அல்லது 6 மாதங்களுக்கு ஒரு முறை வெளியில் போங்க அங்கு நல்ல அறை எடுத்து அந்த ஊரை சுற்றிபார்க்கும் சாயலில் உங்க காதலையும் ரொமான்சையும் வளர்த்துங்க.. புது புது இடமா தேர்வு செய்து அதைப்பற்றி நெட்டில் சுட்டு அவருக்கு சொல்லுங்க. புது இடங்களில் புது கொண்டாட்டத்தை ஆரம்பியுங்க அங்க ஆடிய ஆட்டம் அடுத்த சுற்றுலா செல்லும் வரை மனதில் ஓடவேண்டும். அவ்வப்போது அதை ஞாபகப்படுத்தி ஆட்டம் போடுங்க.

இருவருக்கும் காலையில் சண்டை வந்தால், மாலை நீங்களாகவே என்னங்க மதியம் என்ன சாப்பிட்டீங்க? என்ன? ஏது? என்று தானாகவே முன் வந்து ஒரு இரு முறை பேசுங்க அப்புறம், அவர் சண்டையிட்டால் அடுத்த 10 நிமிடத்தில் அவரே பேசும் பழக்கத்துக்கு வருவார். அப்படி வரும் போது இருக்க அணைச்சு ஒரு உம்மா கொடுங்க மொத்த கோபமும் பறந்து விடும் இருவருக்கும்.

முக்கியமாக அவரின் அப்பா அம்மா வந்தால் அவர்களுக்கு என்ன வேண்டும் வேண்டாம் என்று முதலிலேயே தெரிந்து கொண்டு அவர்களுக்கு பிடிக்காதவற்றை தள்ளிவிட்டு பிடித்தவற்றை செய்யுங்க அவுங்க பாரட்டை அள்ளுங்க அவர்கள் பாராடை பெற பெற கணவர் உங்களையும் உங்க குடும்பத்தையும் மெச்சுவார் அப்போது எல்லாம் உங்களுக்காத்தாங்க எனக்கு நீங்களும் முக்கியம் அவர்களும் முக்கியம் என்று பிட்டை அள்ளி விடுங்க.

தலையணை மந்திரம் மட்டும் இல்லாமல் அவ்வப்போது விளையாடும் விளையாட்டுக்கள், சிறு சண்டைகள் எல்லாம் இருக்கனும் ஆனால் அதை ஊதி பெரிதாக்காமல் விட்டு புடிங்க உங்க ஆள் உங்களை சுத்தி சுத்தி வருவார். அப்புறம் என்ன ரொமான்சும் சந்தோசமும் துள்ளி விளையாடும் உங்க வீட்டில்.