2011 தேர்தல்: ராஜதந்திரி யார்? ஜெ., வா? கலைஞரா?

நேற்று முன் தினம் கூட்டணி கட்சிகளுடன் பேச்சு வார்த்தை நடத்திக்கொண்டு இருக்கும் போது அம்மா அனைத்து 160 தொகுதிகளுக்கு வேட்பாளரை தேர்வு  செய்து வெளியிட்டது திடீரென அரசியல் களத்தில் அனைவரையும் பரபரப்பாக்கியது . கலைஞர் 16ம் தேதி அறிவிக்கின்றேன் என்றார் ஆனால் அது தள்ளி 17க்கு சென்று விட்டது.

இதற்காக காத்திருந்தது போல் ஜெ தனது வேட்பாளர் பட்டியலை அறிவித்ததும் முதலில் அதிர்ச்சி அடைந்தது கூட்டணி கட்சி அல்ல திமுக தான் எந்த தொகுதிக்கு எந்த வேட்பாளர் அவரை எதிர்க்கும் நம் வேட்பாளர் சவால் விடும் வகையில் இருக்குமா என்று திமுக முதலில் சீட் மறுத்தவர்களுக்கு கூட மறுபடியும் சீட் கொடுத்திருக்கிறது. (ஒரு பத்திரிக்கையில் சிலருக்கு சீட் இருக்காது என்று சொல்லி இருந்தது அவர்கள் எல்லாம் நேற்று வேட்பாளர்களாக அறிவிக்கப்பட்டனர்)

வலுவான கூட்டணி இருந்தால் வெற்றி சுலபமாகும் என்பதோ, தொகுதிகளைப் பறித்துக்கொண்டால், கூட்டணிக் கட்சிகள் அதிருப்தி அடையும் என்பதோ ஜெயலலிதா அறியாதது அல்ல. முதலில் அறிவித்து விட்டு அந்த அறிக்கையை வாபஸ் வாங்குவது அவருக்கு புதிதல்ல. அவருடைய திட்டம் எல்லாம் இப்ப ஒரு வேட்பாளைரை அறிவித்து விட்டு திமுக வேட்பாளரை அறிவித்ததும் கூட்டணி கட்சிகளுக்கு வேண்டியதை கொடுத்து விட்டு திமுக வேட்பாளருக்கு எதிராக பலமான வேட்பாளரை நிறுத்த வேண்டும் என்பதாக இருக்கலாம்.

நேற்று நடந்த சம்பவங்களை பார்க்கும் போது தா.பாண்டியன் கூறியதை பார்த்தால் 3 அணி அமைக்கும் திட்டம் இப்போதைக்கு இல்லை எங்களின் நோக்கம் எல்லாம் திமுக, காங்கிரஸ் கூட்டணி வெற்றி பெறக்கூடாது அதற்காகத்தான் நாங்கள் பாடுபடுகிறோம் என்றார்.

விஜயகாந்த் கூறும் போது 3 வது அணி பற்றி முடிவு செய்யவில்லை எதுவாக இருந்தாலும் நாளை உங்களை அழைத்து கூறுகிறேன் என்றார்.

வைகோ எதுவும் பேசவில்லை, அதிமுக தரப்பும் எதுவும் பேசாமல் ஜெ தனது பிரச்சார பயணத்தை தள்ளிவைத்து விட்டு நேற்று மாலைக்கு மேல் அதிமுக தரப்பு கூட்டணி கட்சிகளிடம் பேச ஆரம்பித்து விட்டது இதன் மூலம் 3 வது அணி நிச்சயம் இல்லை என்று கூறலாம்.

இன்று காலை பத்திரிக்கை செய்தியில்  படி தே.மு.தி.க., - மார்க்சிஸ்ட் - இந்திய கம்யூ., கேட்கும் தொகுதிகளை தருவதற்கு, அ.தி.மு.க., சம்மதித்தது. ம.தி.மு.க.,வுக்கான தொகுதி ஒதுக்கீடு குறித்தும், பேச்சு வார்த்தை துவங்கியது. ம.தி.மு.க.,வுக்கு 13 தொகுதிகள் மற்றும் ஒரு ராஜ்யசபா சீட் ஒதுக்குவதற்கும் பேச்சு வார்த்தை நடந்தது. புதிய தமிழகம் கேட்ட, ஒட்டப்பிடாரம், வால்பாறை ஆகிய தொகுதிகளை தரவும், அ.தி.மு.க., தரப்பில் சம்மதம் தெரிவிக்கப்பட்டது. சரத்குமார் கேட்ட, தென்காசி, நான்குநேரி தொகுதிகளை ஒதுக்கவும், சம்மதம் தெரிவிக்கப்பட்டது. இரண்டு கம்யூனிஸ்ட் கட்சிகளும், வெற்றி பெற்ற தொகுதிகளை தருவதற்கும், தே.மு.தி.க.,வுக்கு அண்ணாநகர், விருகம்பாக்கம் தொகுதிகளை ஒதுக்கவும் சம்மதம் தெரிவிக்கப்பட்டதாக செய்தி வெளியாகி உள்ளது.

ஜெ வின் கணக்குப்படி கூட்டணி கட்சிகள் யாரும் வெளியேறவும் கூடாது அதே சமயம் திமுக வேட்பாளருக்கு எதிராக பலமான வேட்பாளரை நிறுத்த வேண்டும், கூட்டணி கட்சிகளும் எனக்கு அத்தனை தொகுதி வேண்டும், நாங்கள் இங்கே தான் நிற்போம் என்று எதிர் பதில் சொல்லாமல் அவர்கள் கேட்டது இரண்டு கேட்காதது இரண்டு என்று கூட்டணிக்கு தொகுதி பிரிக்கப்படலாம்.

நேற்று காலை முதல் மாலை வரை ஊரேங்கும் இதே பேச்சு 3 வது அணி அமையுமா? அமையாதா? இதை அனைத்திக்கும் முற்றுப்புள்ளி வைத்து இன்று மாலை அல்லது நாளைக்குள் கூட்டணிக்கு தொகுதிகள் அறிவிப்பு இருக்கலாம் என்று எதிர்பார்க்கலாம்...

இப்ப சொல்லுங்க சிறந்த ராஜதந்திரி ஜெ., வா? கலைஞரா?