எனக்கு வடை கிடைச்சிருச்சு...

நேற்று மாலை 6 மணியளவில் எனது வலைப்பூ திடீர் என காணவில்லை. தீடீர் அதிர்ச்சி என்ன செய்வது என்று தெரியாமல் நண்பர்களை தொலை பேசியில் அழைத்து விவரத்தை சொன்னேன்.

பின் வீட்டிற்கு சென்று மனைவியிடம் சொல்லி விட்டு நண்பர்கள் அனைவருக்கும் மின்னஞ்சல் அனுப்பி தகவலை சொன்னேன். நானும், மனைவியும் பல உதவிப்பக்கங்களை தேடிக்கொண்டு இருந்தோம். நண்பர்களிடம் இருந்து அழைப்பும், சாட்டில் நண்பர்கள் நிறைய லிங்க்கொடுத்து இங்கெல்லாம் பாருங்க என்றனர். அனைத்தையும் படித்து என்ன செய்வது என்று தெரியாமல் விழித்தேன். மின்தமிழ் குழுமம், பன்புடன் குழுமம் இரண்டிற்கும் மின்னஞ்சல் அனுப்பினேன் நண்பர் தொடர்பு கொண்டு கவலைப்படாதீர்கள் நிச்சயம் காலை கிடைத்து விடும் என்றனர்.

நான் செய்த மிகப்பெரிய தவறு Backup எடுத்து வைக்கவில்லை. அதனால் மிக டென்சனாக இருந்தது.

காலை அலுவலகம் வந்ததும் ஒரு அரை மணி நேரம் தேடினேன் என்ன செய்வது என்று கூகுளுக்கு மின்னஞ்சல் அனுப்பினேன். 9.45க்கு நண்பர் தொடர்பு கொண்டு உங்க வலைப்பூ வேலை செய்கிறது என்றார். மிக சந்தோசமாக இருந்தது. எனது நிறைய பதிவுகள் நிறைய இடத்தில் படித்து அதை தெரிந்தவர்களிடம் அது உண்மைதான் என்று கேட்ட பின் தான் பதிவிடுவேன். எல்லாம் போச்சே என்று இருக்கும் போது மீண்டும் கிடைத்ததில் மிக்க மகிழ்ச்சி...

அதற்காக எனக்கு தொலைபேசியிலும், சாட்டிலும் நண்பர்கள் எனக்காக இரவு வரை உதவி செய்த அனைத்து நட்புக்களுக்கும் என் நன்றி...

யாரையும் நான் பார்த்தது கூட இல்லை ஆனால் அனைவரும் செய்த உதவி மகத்தானது.. நன்றி நண்பர்களே..

நண்பர்களே இந்த அனுபவத்தின் மூலம் அறிவது வாரம் ஒரு முறை வேண்டாம் தினமும் பதிவிட்ட உடன் ஒரு பேக்அப் எடுப்பது நல்லது. எடுத்து வெச்சுக்குங்க ரொம்ப உதவியாக இருக்கும்..

குறிப்பு: நான் எனக்கு உதவிய நண்பர்களின் பெயரை குறிப்பிடவில்லை என்னை தொடர்பு கொண்டு உதவிய நண்பர்கள் என்னில் அடங்கா யாராவது ஒரு பேரை விட்டு விட்டால் அவர்களுக்கு சங்கடமாக இருக்கும் அதனால் பேரை குறிப்பிடவில்லை தவறாக எடுத்துக்கவேண்டாம்... ஆனால் பேக்அப் மட்டும் மறக்காம எடுத்துக்குங்க...

---------------------------------------------------------------------------

வருகிற 26.12.2010 அன்று ஈரோட்டில் நடக்கும் பதிவர் சங்கமத்திற்கு அனைவரையும் வருக வருக என அன்புடன் வரவேற்கிறேன்...

சகோதர, சகோதரிகளே ஈரோடு சங்கமத்துக்கு வாங்க  பழகலாம்....