2011 சட்டமன்ற தேர்தல் அறிக்கை

தமிழகத்திற்கு வரும் 2011ல் சட்டமன்ற தேர்தல் நடைபெற இருக்கிறது. இந்த தேர்தலுக்கான பணியில் அனைத்து கட்சிகளும் மும்முரமாக கூட்டணி பற்றி ஆலோசனை நடத்திக் கொண்டு இருக்கின்றனர். கூட்டணி மட்டுமின்றி எந்த தேர்தல் என்றாலம் அக்கட்சியின் தேர்தல் அறிக்கை தான் தேர்தல் பிரச்சாரத்தில் முக்கிய கதாநாயகனாக வலம் வரும்.

ஒவ்வொரு கட்சியியும் அவர்கள் கூட்டணிக்கு தரும் முக்கியத்துவம் போல் தேர்தல் அறிக்கைக்கு முக்கியத்துவம் கொடுப்பார்கள் அந்த அளவிற்கு மக்கள் மனதில் பதிக்வேண்டும் எனில் தேர்தல் அறிக்கை முக்கியம்.

தேர்தல் அறிக்கை ஓர் கட்சியின் கொள்கை விளக்கமாகவும், அக்கட்சி ஆட்சிக்கு வந்தால் நிறைவேற்றும் தொலை நோக்கு திட்டமாகவும் இருக்கும். அக்கட்சியின் பொருளாதார கொள்கையை பட்டியலிட்டு இருக்கும். ஒவ்வொரு கட்சியும் கொள்கை ரீதியான அறிவிப்புகள் முன்னுரிமையாக இருக்கும்.

வங்கிகளைத் தேசியமயமாக்குவது, சில்லறை வணிகத்தில் அன்னிய முதலீட்டை வரவேற்பது அல்லது தடுப்பது, மின் உற்பத்தியில் தன்னிறைவு, விவசாயம் சார்ந்த பொருளாதாரத்துக்கு முன்னுரிமை போன்றவை கொள்கை அறிவிப்புகள்.

மக்களின் அன்றாட அல்லது அவ்வப்போதைய பிரச்னைகளையும் தங்கள் கட்சி கூர்ந்து கவனிக்கிறது என்பதை வெளிப்படுத்தும் வகையில், ஒரு சில அறிவிப்புகளும் வாக்குறுதிகளும் இடம்பெறும். இப்படித்தான் தேர்தல் அறிக்கைகள் முன்பெல்லாம் இருக்கும்.

ஆனால் தற்போது தேர்தல் அறிக்கை என்றாலே இலவச அறிவிப்புகள் தான் இது அனைத்து கட்சிக்கும் பொருந்தும் மக்களும் இதைத்தான் எதிர்பார்க்கிறார்கள்.

கடந்த தேர்தலில் திமுகவின் தேர்தல் அறிக்கை அனைவரது மனத்தையும் கவர்ந்தது வெற்றிக்கு உதவியது.மக்களுக்கு அரிசி 1 ரூபாய், இலவச கலர் டிவி போன்றவை மக்களிடம் பெரும் வரவேற்பை பெற்றது. இதை இந்தியாவில் பிற மாநிலத்தவரும் அவர்களது தேர்தல் அறிக்கையாக வெளியிட்டு மக்களை கவருகின்றனர்.

அனைவரது நோக்கம் அடுத்து ஆட்சிக்கு வரவேண்டும் அதற்கு மிகவும் மக்கள் எதிர்பார்ப்பது தேர்தல் அறிக்கை.

இந்த வருடம் வரும் தேர்தல் அறிக்கையில் கீழ் கொடுத்துள்ள எல்லாம் கொடுக்க வாய்ப்பு இருக்கிறது.

1.ரேசன் அட்டை வைத்து இருந்து அந்த வீட்டில் பட்டதாரி இருந்தால் அவர்களுக்கு ஓர் இலவச லேப்டாப்.

2.ஓட்டுரிமை உள்ள அனைவருக்கும் இலவச செல்போன்

3.அனைவருக்கும் அரசின் இலவச சிம்கார்டு மற்றும் மாதம் 100ரூபாய்க்கு இலவசமாக பேசும் வசதி.

4.இணையதள சேவை பயன்படுத்து பவர்களில் கிராமப்புரத்தில் இருப்பவருக்கு ஒரு மாதம் இலவசம் ஒரு மாதம் குறைந்த பட்ச கட்டணம் 1.

5. பொதுமக்களுக்கு வாரம் ஒரு முறை இலவச விருந்து முட்டையுடன்.

6. கல்விக்கடன் முழுவதும் தள்ளுபடி.


7.விவசாயிகளுக்கு இருக்கம் அனைத்து கடனும் தள்ளுபடி

8. மாணவர்களுக்கு இலவச பஸ், இரயில் பாஸ்

9. பள்ளிகளில் காலை இலவச உணவு

10. ஏழை ஆண்களுக்கு திருமண உதவி திட்டம்

போன்ற இலவச திட்டங்கள் நிறைய இருக்கும். நம்ம மக்களும் மாற மாட்டார்கள் இலவசத்தை அதிகம் எதிர்பார்ப்பது மக்கள் தானே. இந்த நிலைமை என்று மாறுமோ?