சங்கவியிடம் சண்டை போட்ட பெண் பதிவர்

பதிவர் சந்திப்பை பற்றிய பதிவை போட்டதும் எனக்கு ஒரு பெண் பதிவரிடம் இருந்து அழைப்பு வந்தது. நீங்கள் மட்டும் பங்குகொண்டால் எப்படி? ஏன் எங்களுக்கு தெரிவிக்கவில்லை என்று சண்டை போட்டார். 

 

என்னடா இது வம்பா போச்சு என்று நானும் எங்கள் சந்திப்பு எதார்த்தமாக நடந்தது. எனவே முன்கூட்டி தெரிவிக்க முடியவில்லை என கூறினேன். அடுத்த சந்திப்பின்போது சொல்லுங்கள் என்றார். பேச்சின் முடிவில் பர்சனல் விவரங்களை லேசுபாசாக (எப்போதும் போல) கேட்டேன். அவரும் எங்கள் மாவட்டம் என்பதை தவிர எதுவும் சொல்லாமல் இருந்தார். 

 

ரொம்ப நேரம் கடலை போட்டு பின் 'என்ன செய்கிறீர்கள்' என்று கேட்டேன். அவர் புகைப்படதுறையில் இருப்பதாக கூறினார். எனக்கு ஆனந்த அதிர்ச்சி. நானும் சில வருடங்களுக்கு முன் அதே துறை. எனவே 'என் முதல் வேலையும் அதே துறை தான்' என்று கூறி நான் பணிபுரிந்த இடத்தை சொன்னேன். ஆச்சரியமாக அவரும் அதே இடத்தில் வேலை செய்திருக்கிறார். 

 

மேலும் ஆச்சரியம் தரும் தகவலை கூறினார், நான் வேலை செய்த அதே வருடத்தில் தான் அவரும் அங்கே இருந்திருக்கிறார். நான் என் முழு பெயரை கூற, அவருக்கு ஆனந்த அதிர்ச்சி. எனக்கும் அவரை தெரிந்து போய் விட்டது. அவரது ஒரிஜினல் பெயரில் அவரை அழைக்க... எங்கள் இருவருக்கும் செம சந்தோஷம் மகிழ்ச்சி... (போட்ட கடலை வேஸ்டா போச்சே...)

சில வருடத்திற்கு முன்..

இந்த பெண் பதிவர் தான் என் Photoshop  குரு. முதன் முதலில் வேலைக்கு சேர்ந்ததும் இவுங்க தான் எனக்கு சொல்லிக்கொடுத்தாங்க முதலில் அமைதியாக கற்றுக்கொண்டு ஒரு நான்கு மாதத்திற்கு அப்புறம் தான் என் லொள்ளை எல்லாம் ஆரம்பித்தேன். அப்புறம் எனது குருவே என் எதிரி ஆனார். நாங்கள் இருவரும் தினமும் சண்டைபோடுவோம். அவர்கள் எதாவது கேட்டால் திமிறாக பதில் சொல்வது பதிலுக்கு அவங்களும் திமிராக பதில் அளிப்பார்.

நாங்க உள்ள இருந்தாலே சண்டைதான். அவர்களுக்கு பிடித்த பாட்டை போடுவார்கள் நான் எனக்கு பிடித்த பாட்டை போடுவேன் அவுங்க பாட்டு எல்லாருக்கும் பிடிக்கும் என் பாடல் எனக்கு மட்டும் தான் பிடிக்கும் (குசி படத்தில் வந்த ஒரு பிரபல பாடல்) எல்லாரும் திட்டுவாங்க நான் அடங்குவனா உடனே சண்டை தான்.

தண்ணி குடிக்க சண்டை, வடை சாப்பிட சண்டை என தினமும் வம்பிலுத்தே இருப்பேன் அவுங்ககிட்ட மட்டுமல்ல எல்லா பொண்னுங்ககிட்டையும். வேலையை விட்டு செல்லும்போது திமிராக வரட்டா என்று சொல்லிட்டு வந்தது இன்றும் ஞாபகம் இருக்கிறது..

சில வருடத்திற்கு முன் எந்த பெண்ணிடம் சண்டைபோட்டு  வந்தேனோ இன்று பதிவுலகம் மூலம் அவர் எனக்கு நட்பாக மலந்திருக்கிறார். இந்த நட்பு மீண்டும் கிடைத்தது பதிவுலகம் மூலம் பதிவுலகிற்கு என் நன்றி...

இப்ப யோசிக்கும் போது அவுங்ககிட்ட போட்ட சண்டை எல்லாம் இப்படி நடந்துகிட்டனா என்று யோசிக்க வைக்கிறது. இருந்தாலும் அடுத்த சந்தோசம் பதிவுலகில் ஆரோக்கியமான சண்டை போடுவதற்கு எனக்கு கிடைச்சுட்டாங்க ஒரு பதிவர்...