நாட்டுப்புற மழலைப் பாடல்கள்... நினைவலைகள்..

நான் சிறுவயதில் பாடிய பாடல்களை எல்லாம் இப்போது என் மகனுக்கு சொல்லிக்கொடுப்பதற்காக தேடும் போது முதல் இரண்டு வரிகளை படித்ததும் அந்த பழைய பாடல்கள் எல்லாம் தானாக வருகிறது மனதில் இருந்து...

இந்த பாடல்கள் எல்லாம் நீங்களும் நிச்சயம் பாடியிருப்பீர்கள் இதை  என் பக்கத்தில் பதிவதில் மிக ஆனந்தம்...

குத்தடி குத்தடி சைலக்கா
குனிஞ்சு குத்தடி சைலக்கா
பந்தலிலே பாவைக்கா
தொங்குதடி டோ லாக்கு

------------------------------

கட்டிலும் கட்டிலுஞ் சேர்ந்ததா
கண்டங் கத்திரி காய்ச்சதா
வாடா மல்லி பூத்ததா
வாடாம வதங்காம
என் கருவேப்பிலையே ஓடி வா

---------------------------------------

தோசையம்மா தோசை
அரிசிமாவும் உளுந்தமாவும்
கலந்து சுட்ட தோசை
அப்பாவுக்கு ஒன்னு
அண்ணனுக்கு ரெண்டு
எனக்கு மட்டும் நாலு

-------------------------------------------

காக்கா காக்கா கண்ணாடி
காசுக்கு ரெண்டு முட்டாயி
குண்டாங்குண்டாங் தலகாணி
குதிரை மேலே சவ்வாரி
ஏண்டியக்கா அழுகிறாய்
காஞ்சிபுரம் போகலாம்
ல்ட்டு மிட்டாய் வாங்கலாம்
பிட்டுபிட்டு தின்னலாம்
எங்க வீட்டு மாடியிலே
தாம்தூம் குதிக்கலாம்

---------------------------------

கை வீசம்மா கை வீசு
கடைக்கு போகலாம் கை வீசு
மிட்டாய் வாங்கலாம் கை வீசு
மெதுவாய் தின்னலாம் கை வீசு
அப்பம் வாங்கலாம் கை வீசு
இருந்து திங்கலாம் கை வீசு
பூந்தி வாங்கலாம் கை வீசு
ருசித்து திங்கலாம் கை வீசு
பழங்கள் வாங்கலாம் கை வீசு
அழகாய் திங்கலாம் கை வீசு
ஜிமிக்கி வாங்கலாம் கை வீசு
காதிலே போடலாம் கை வீசு
சொக்காய் வாங்கலாம் கை வீசு
சொகுசாய் போடலாம் கை வீசு
கோவிலுக்கு போகலாம் கை வீசு
கும்பிட்டு வரலாம் கை வீசு
தேரைப் பார்க்கலாம் கை வீசு
திரும்பி வரலாம் கை வீசு

----------------------------------------

பாங்கி தோழி பங்கஜம்
பாண்டியாட வாராயோ
பாட்டி எனக்குப் பரிசளித்த
பல்லாங்குழியைப் பாரிதோ

மாமா நேற்று வாங்கித் தந்த
மாணிக்கத்தை பாரிதோ
அத்தை தந்த கட்டி முத்தின்
அழகை வந்து பாரிதோ

சேரருக்கு மங்கலங்கள்
செப்பி விளையாடலாம்
சோழருக்குச் சோபனங்கள்
சொல்லி விளையாடலாம்

இன்னும் பாண்டி யாடலாம்
ஓய்ந்து விட்டால் நிறுத்தலாம்
கட்டும் பாண்டியாடலாம்
களைத்து விட்டால் நிறுத்தலாம்

எய்யாப் பாண்டியாடலாம்
ஏய்த்து விட்டால் நிறுத்தலாம்
பசும் பாண்டியாடலாம்
பசித்தவுடன் நிறுத்தலாம்

பாங்கி தோழி பங்கஜம்
பாண்டியாட வாராயோ.

----------------------------------

மொட்டை பாப்பாத்தி !
ரொட்டி சுட்டாளாம் !
எண்ணெய் பத்தலையாம் !
கடைக்கு போனாளாம் !
காசு பத்தலையாம் !
கடைகாரன பாத்து !
கண்ணு அடிச்சாலாம் !

------------------------------------

மழை வருது மழை வருது
நெல்லுக் குத்துங்க‌!
முக்காப்படி அரிசி எடுத்து
முறுக்குச் சுடுங்க‌!
ஏர் ஓட்டுற மாமனுக்கு
எண்ணி வையுங்க‌!
சும்மா இருக்குற மாமனுக்கு
சூடு போடுங்க!

------------------------------

பனமரமே பனமரமே பச்சக் கண்ணாடி!
பல்லுப் போன கெழவனுக்கு ரெண்டு பொண்டாட்டி !!

------------------------------

அவரைக்கா சோத்துக்கு
பிள்ளைபெத்த வீட்டுக்கு
புளியங்கா சோத்துக்கு
நான் போறேன் வீட்டுக்கு
நாளைக்கு வர்றேன் விளையாட்டுக்கு....

-------------------------

பருப்பாம் பருப்பாம்.........
பன்னெண்டு பருப்பாம்
சுக்கத்தட்டி சோத்துல போட்டு
குள்ளீம்மா குழலூத
ராக்காத்தா வெளக்கெடுக்கங்
கொப்பம் பேரென்ன?

முருங்கைப்பூ.....

முருங்கைப்பூவும் தின்னவனே
முன்னூறு காசு கொடுத்தவனே
பாம்புக்கைய மடக்கு
மாட்டேன்………

--------------------------

மொட்டையும் மொட்டையும் - சேந்துச்சாம்
முருங்கை மரத்துல ஏறுச்சாம்
கட்டு எறும்பு கடிச்சுச்சாம்
காள்காள்ன்னு கத்துச்சாம்!

-------------------------------