ஈரோடு புத்தக திருவிழா 2013

சென்னை போன்ற பெரு நகரங்களில் புத்தக கண்காட்சி நடத்து வெற்றி பெறுவது மிக சாதாரணம் நிச்சயம் வெற்றி அடையும் என்ற நம்பிக்கை அங்கு உண்டு. ஆனால் ஈரோடு போன்ற வளரும் நகரங்களில் புத்தக கண்காட்சி நடத்தி அதை வெற்றியாக்குவது சுலபமானது அல்ல, தமிழகத்தில் சென்னைக்கு அடுத்து புத்தக கண்காட்சிக்கு அதிக கூட்டமும் விற்பனையும் ஈரோட்டில் தான் என்றால் அது மிகையாகாது என்று சொன்னவர் ஒரு பதிப்பாளர்.

புத்தக கண்காட்சியை கடந்த ஒன்பது வருடமாக மிக வெற்றிகரமாக நடத்தி வருகிறார் ஈரோடு மக்கள் சிந்தனை பேரவை தலைவர் திரு.ஸ்டாலின் குணசேகரன் அவர்கள். நிச்சயம் ஆரம்பத்தில் இவ்வளவு கூட்டத்தையும் இத்தனை ஸ்டால்களையும் அவர் கொண்டு வர மிக கஷ்டப்பட்டு இருப்பார் ஆனால் இன்று லட்சக்கணக்கான மக்கள் புத்தக கண்காட்சிக்கு வருகிறார்கள் என்றால் அது அவரின் உழைப்புக்கு கிடைத்த வெற்றி, ஆர்வத்திற்கு கிடைத்த வெற்றி, ஈரோடு மட்டுமல்லாமல் சுற்றுப்புறத்தில் உள்ளவர்கள் எல்லாரையும் வாசிக்க வைக்க வேண்டும் என்ற அவரின் முற்போக்கு எண்ணத்திற்கு கிடைத்த வெற்றி.

பாமரன் முதல் ஈரோட்டின் புகழ் பெற்ற மருத்துவர்கள் வரை நேற்று கண்டேன் கண்காட்சியில் ஒன்பது வருட இந்த புத்தக திருவிழாவிற்க்கு நான் முதன் முதலாக சென்றது 2009 இல் அப்போது தான் திரு.ஸ்டாலின் அவர்களின் உரையை கேட்கும் வாய்ப்பு கிடைத்தது ஆனாலும் முழுவதும் கேட்கவில்லை ஈரோடு சங்கமத்தில் 2011ம் ஆண்டு அவர் தான் சிறப்புரை கிட்டத்தட்ட 1 மணி நேரம் 30 நிமிடம் பேசினார் அருமையான உரை, அழகான விளக்கம், நல்லதொரு சிறுகதை கேட்பவர்கள் ஈர்க்கும் கனீர் குரலால் அன்றைய மேடையை அழகாக அழங்கரித்தார் அவரின் பேச்சில் தெரிந்தது அவர் ஒரு தீவிர வாசிப்பு பழக்கம் உடையவர் என்ற அந்த வாசிப்பு பழக்கம் அனைவருக்கும் வேண்டும் என்ற அவர் லட்சியம் இன்று நிறைவேறி விட்டதில் அவருக்கு பெருமை அவரால் வாசிப்பு பழக்கத்தை அறிந்த ஈரோட்டு மக்களுக்கும் பெருமை.

இந்த புத்தக திருவிழாவின் மறுபக்கத்தில் பேச்சாளர் அரங்கம் தினமும் ஒரு தலைப்பில் சிறந்த பேச்சாளர்களை இலக்கியவாதிகளை பேச வைத்து ஈரோட்டு மக்களுக்கு அது அடுத்த வரப்பிரசாதம் இங்கு வைகோ, தமிழருவிமணியன், சிவக்குமார் போன்ற பிரபலங்கள் பேசி உள்ளனர் வருடா வருடம் பேசியவர்களையே பேச வைக்காமல் புது புது தலைப்பில் புதிய பிரபலங்களின் பேச வைத்து பேச்சு வெள்ளத்தில் மிதக்க வைக்கின்றனர் மக்கள் சிந்தனை பேரவையினர். தினமும் இங்கு நடக்கும் சொற்பொழிவுக்கு குறைந்த பட்சம் 2500 பேருக்கு மேல் பங்கேற்கின்றனர் என்று சொன்னார் அன்றைய பேச்சை கேட்க காத்திருந்த ஒரு கிராமத்து பள்ளியின் தலைமையாசிரியர்.

தொடரட்டும் இவர்களின் நற்பணி...

இத்தனை சீறும் சிறப்பாக நடைபெறும் புத்தக திருவிழாவிற்கு போகமல் இருக்கலாமா ? ஞாயிறு அன்று வாமு.கோமுவின் புத்தக வெளியீட்டு விழாவிற்கு சென்று விட்டு நானும் நண்பர் வீடு சுரேசும் புத்தக திருவிழாவை சுற்ற கிளம்பினோம்..

ஈரோடு வஉசி பூங்காவிற்கு செல்லும் வழி எங்கும் மக்கள் வெள்ளம் ஞாயிற்றுக்கிழமை என்பதால் கூட்டம் அலைமோதியது. கண்காட்சி வாசலில் நுழையும் போது பாதுகாவலர்கள் இருச்க்கர வாகனங்கள். நான்கு சக்கர வாகனங்கள் என்று பிரித்து நிற்குமிடத்திற்கு அனுப்பினர். கண்காட்சியில் உணவுப்பொருளுக்கு என்று ஒரு இடத்தையும் அங்கு சில கடைகளும் இருந்தன. அடுத்து பேச்சாளர்களுக்கென மிகப்பெரிய மேடை கிழே நேர்த்தியாக அடுக்கப்பட்ட நாற்காலிகள் என பார்க்கவே அங்கு சிறிது நேரம் உட்கார வேண்டும் போல தோன்றியது.

நிறைவான கூட்டங்களுக்கு நடுவே உள்ளே சென்றோம் நன்கு இடை வெளி விட்டு ஸ்டால்கள் அமைத்திருந்தனர் 10 ஸ்டால்களுக்கு பின் அவரச வழி என்று ஒன்றை ஏற்படுத்தி அவசர காலத்தில் வெளியேறுவதற்கு தக்கவாறு அமைக்கப்பட்டு இருந்தது அனைத்து ஸ்டால்களும் கிட்டத்தட்ட 150க்கும் மேற்பட்ட கடைகள் எல்லா கடைகளிலும் கூட்டம், சிறுவர் காமிக்ஸ் தொடங்கி, பக்தி, விளையாட்டு, கவிதைகள், நாவல் என ஆளுக்கு குறைந்த பட்சம் 10 புத்தகத்தை தூக்கிக்கொண்டு நடந்தனர்.

இளம்பெண்களின் கூட்டம் மிக நிறைவாக இருந்தது வழியில் நம்ம வாத்தியார் கார்த்திகைபாண்டியனையும், வா.மணிகண்டனையும் சந்தித்தோம். பின் அப்படியே ஒரு சுற்று சுற்றிவிட்டு வெளியே வந்தோம். நான் வம்சி, காலச்சுவடு மற்றும் கிழக்கு பதிப்பகத்தில் சில புத்தகங்களை வாங்கினேன். ஈரோடு புத்தக கண்காட்சியில் இவ்வளவு கூட்டமா என்று திகைக்கும் அளவில் இருந்தது கூட்டம். மிக்க மகிழ்ச்யோடு விடை பெற்றேன் புத்தக கண்காட்சியில் இருந்து..

இந்த கட்டுரை எழுத மிக முக்கிய காரணம் வம்சி புத்தக நிலையத்தில் இருந்து வெளியே வரும் போது ஒரு பெண்ணும் அவரின் தந்தையும் உள் வந்தனர் அந்த பெண் தற்போது கல்லூரியில் படிக்கும் பெண்போல அந்த பெண்ணின் தந்தை உனக்கு என்ன புத்தகம் வேணுமோ வாங்கிக்கோம்மா காச பத்தி கவலைப்படதே என்றார், அந்த பெண்ணும் சரி என்று சொல்ல மீண்டும் அவர் காலையில நம்ம பழைய மணிகாரர் சொன்னார் ஈரோட்டுல புத்தக திருவிழா போட்டு இருக்காங்க நேத்து தான் போனேன் நிறைய புத்தகங்கள் வாங்கினேன் புத்தகம் படிக்க படிக்க அறிவும் மனதும் புத்துணர்ச்சி பெறும் என்றார் அது தான் நீ கூப்பிட்டவுடன் நானும் வந்தேன் சாமி நீ எது வேனுமோ அது வாங்கிக்க என்றார் அவர். தான் படிக்க வில்லை என்றாலும் தன் பெண் படித்து நல்ல அறிவோட வளரவேண்டும் என்ற ஏக்கம் அவர் கண்ணில்...

இந்த நிகழ்வு எண்ணை மிக ஈர்த்தது...

இந்த புத்தக கண்காட்சியை மிக சிறப்பான முறையில் நடத்தி வரும் மக்கள் சிந்தனை பேரவைக்கும் ஐயா. திரு. ஸ்டாலின் குணசேகரன் அவர்களுக்கும் என் மனமார்ந்த நன்றி...