ஜிகர்தண்டா ( இது சினிமா விமர்ச்சனம் அல்ல)

இன்று மாலை படம் பார்க்கவேண்டும் என்று முடிவெடுத்து, எந்த படத்துக்கு செல்வது என்று எங்க வீட்டில் பொதுக்குழு போட்டு முடிவெடுக்கும் போது,  அஞ்சான் தான் போக வேண்டும் என்று அடம் பிடிக்கின்றனர் எங்க வீட்டு பொதுக்குழு தலைவி. நான் படம் பார்த்தது வீட்டுக்கு தெரியாது, சோ அமுக்கி அமர்ந்து வேடிக்கை பார்த்தேன், படத்தை பற்றியான அறிக்கையும், இணையதள விமர்ச்சனமும் சொல்ல மனது துடிக்குது ஆனாலும் சொல்ல முடியல, சரி டிக்கெட் வாங்கி வரேன் என்று சென்றேன். 

இன்னொரு முறை இதை பார்க்கவேண்டுமா என என்னி செந்தில் தியேட்டரில் டிக்கெட் வாங்காமல் பக்கத்து குமரன் தியேட்டரில் ஜிகர்தண்டாவுக்கு டிக்கெட் வாங்கி வந்துட்டேன். வீட்டின் பொதுக்குழுவின் முடிவை எதிர்த்த நடந்து கொண்டதால் எப்படி எதிர் கொள்வது என்று தடுமாறி நிற்கிறேன்.. இன்றைக்கு எனக்க இருக்கு....

இந்த மன நிலையிலேயே அஞ்சான் தான் பார்ப்பேன் என அடம்பிடிச்ச என் தங்கமணியிடம், ஜிகர்தண்டா பற்றி சொல்லாமல் தியேட்டருக்கு அழைத்து சென்றேன். அங்கே போன பின்பு தான் டிக்கெட்டை பார்த்த என் தங்கமணி செம்ம காண்டு, கார் ஓட்ட தெரியும் என்பதால் சாவியை கையில் எடுத்து என்னை முறைக்க, அட வாங்க வாங்க நேரம் ஆச்சு என்று நான் புக் செய்திருந்த Queen circle க்கு அழைத்துச்சென்றேன்.

உள்ளே போனதும் படம் போட்டதால் அக்னிப்பார்வையில் இருந்து தப்பித்தேன், சோப செட்டில் உட்கார்ந்து படம் பார்த்தும் திரும்பி ஒரு சிரி சிரிக்க முடியல. தங்கமணியின் ஆஸ்தான நாயகன் படத்துக்கு கூட்டிச்செல்லாததால் என் மேலே செம்ம கோபமாம். ஜிகர்தண்டாவை பார்த்த தங்கமணி கொஞ்சம் கொஞ்சமாக சிரிக்க, எனக்கும் படம் செம்ம இன்ட்ரஸ்டிங்காக சென்றது. இடைவேளையில் எனக்கு ஒரு ஐஸ்க்ரீம் மட்டும் போதும் என சொல்ல, அப்பவும் கோபத்தை குறைச்சிக்கல.

இடைவேளைக்கு பின் ஜிகர்தண்டாவுக்கு தியேட்டரில் செம்ம க்ளாப்ஸ். ஒரே சிரிப்பலை தான். வில்லன் செய்யும் அட்டகாசங்களும் அவன் ஆடும் ஆட்டங்களும் செம்ம.. இடையே என் பழைய சைட்டு அதுதாங்க படத்தின் ஹீரோயின் லஷ்மி மேனன் சும்மா வந்துட்டு வந்துட்டு போகுது. பட் நான் இந்த தடவை ரொம்ப சைட் அடிக்கல.. எனக்கு இந்த படத்தில் நொம்ப பிடிச்சது வில்லன் தான், அசால்ட்டா பட்டையக்கிளப்பி இருக்கறாது மனுசன். பிடம் ரீலிசுக்கு அவர் செய்த அலப்பறையும், படத்துக்கு அவர் வரும் அலப்பறையும் செம்ம க்ளாப்ஸ்..

படம் வெளியாகும் அன்று தியேட்டரில் டைரக்டர் மக்களின் கைதட்டலுக்கு காத்திருக்கும் அந்த இடம் மனதை வருடியது. இப்படித்தானே புதிதாக படம் எடுக்கும் டைரக்டர் எல்லாம் தனது படத்திற்கு மக்களின் விமர்ச்சனம் என்னவாக இருக்கும் என்று முதல் நாள் முதல் ஷோவிற்காக காத்துக்கிடப்பர். அந்த முதல் காட்சியில் வைத்த டிவிஸ்ட் செம்ம. அங்க தான் நம் மனதில் மிக இடம் பிடிச்சுட்டார் டைரக்டர்.

இந்த சந்தோசத்தில் என் மேலே கோபமாக இருந்த என் தங்கமணி பக்கம் திரும்பி பார்த்தேன் அம்மிணிக்கு செம்ம சந்தோசம். நான் தங்கமணியை பார்ப்பதை கவனித்த அவள் ஓவரா வலியாத, அங்க  உன் சைட்டு லஷ்மி மேனன் வந்திருக்கா அவளையே பாரு என ஒரு பிதுக்கு பிதுக்கினாள். இது என் பழைய சைட்டு இப்ப என் சைட்டு நயன்தாரா என்று சொல்லி ஒரு இடி வாங்கியது தான் மிச்சம்...

படத்தில் சண்டைக்காட்களே இல்லை, முக்கியமாக பாதி உடை அணிந்த குத்தாட்டம் இல்லை, ஒவ்வொரு காட்சி அமைப்பும் செம்ம, அந்த வில்லனின் பாடி லேங்வேஜ், காமெடி நடிகரின் கலக்கல் காமெடி என படம் பட்டையக்கிளப்புது. புது முக இயக்குநருக்கு ஒரு க்ளாப்ஸ் பாஸ்...

படம் முடிஞ்சு வெளியே வரும் போது தங்கமணி பக்கத்து தியேட்டரில் போஸ்டரை பார்த்துட்டு உம் என்று வந்தவள் ( சூரியாவ பார்க்க முடியலின்னு கோவம் போல) காரில் ஏரியதும் படம் நல்லா இருக்குல. அதுக்குள்ள முடிஞ்சிடுச்சு, ஒரு காட்டுக்கத்தல் இல்ல, பாரீன் டூயட் இல்ல, பத்து பஞ்ச் டயலாக் இல்லாம, முழுமனதாக படம் பார்த்த திருப்திப்பா... சோ... நொம்ப நன்றி... இந்த படத்துக்கு அழைத்து வந்ததற்குப்பா....
சுபம்.....

மனம் நிறைந்து சினிமா பார்க்கலாம் இங்கு.

செந்தில், குமரன் தியேட்டர், கோவை

நீண்ட நாட்களுக்கு பிறகு வார நாட்களில் படம் பார்க்க நேற்று வாய்ப்பு கிடைத்தது. வீட்டுக்கு அருகில் இருக்கும் தியேட்டருக்கே போகலாம் என யோசித்த போது நண்பர் பாலாஜி குப்தா செந்தில் தியேட்டருக்கு போங்க பெஸ்ட் ஆக இருக்கும் என்றார். 

வேலையில்ல பட்டதாரி படத்துக்குத்தான் செல்லவேண்டும் என்று என் இன்ஜினியர் மனைவி சொன்னதால் சரி என்றேன். ஊருக்குள்ள இந்த மால்கள் வந்த பின் எப்பவாவது பார்க்கும் ஒரு படத்தையும் மால்களில் தான் பார்ப்போம், டிக்கட்டுக்கு 450, பாப்கார்ன், பப்ஸ், பெப்சி என்று 500, பார்க்கிங்கிற்கு 50 என 3 பேருக்கு 1000 செலவாகிடும். இதற்காகவே எப்போதாவது ஒரு படம் பார்ப்போம்.

நேற்று செந்தில் தியேட்டருக்கு 2 மணி காட்சிக்கு டிக்கெட் கிடைக்குமோ கிடைக்காதோ என்று தான் சென்றேன். Queen circle 85, King circle 80. first class 50 என்று விலைப்பட்டியல் இருந்தது. கவுண்டர் சென்றால் கிங் சர்க்கில் தான் இருக்கிறது என்றனர் அதுவும் 2 டிக்கெட்தான் என்றதும் சரி என்று படத்திற்கு சென்றேன். தியேட்டர் சுத்தமாகவும், அழகாகவும் இருந்தது. படம் போடுவதற்கு முன் திரை அப்படியே மேலே செல்லும், அதை ஈரோடு அபிராமி தியேட்டரில் நீண்ட நாட்களுக்கு முன் பார்த்த ஞாபகம். 

தியேட்டரின் சுத்தம் தான் எப்போதும் முக்கியம், அந்த சுத்தத்தை அந்த தியேட்டரில் பார்த்தது மிக மகிழ்ச்சியாக இருந்தது. முக்கியமாக கழிப்பறை மாலைகளில் உள்ள கழிப்பறைகளை விட மிக சுத்தமாகவும், சுகாதாரமாகவும் பராமரிக்கப்படுவதில் மகிழ்ச்சி. தியேட்டருக்குள் உச்சா வந்தால் அந்த கப்பிற்காகவே உச்சாவை அடக்கி வந்து காலமெல்லாம் எங்க ஊர் தியேட்டரில் படம் பார்க்கும் போது நிகழ்ந்தது உண்டு.

மிக முக்கியமாக  திண்பண்டங்கள், நிச்சயம் நிறைய பேர் மால்கள் மற்றும் பிற சினிமா தியேட்டருக்கு சென்று, திண்பண்ங்களை வாங்கும் போது மனசு நிறைஞ்சு பணம் கொடுத்திருக்கமாட்டோம், நான் மட்டுமல்ல இங்கு நிறைய பேர் கொடுத்திருக்க மாட்டீங்க, ஒரு பெப்சி 60 ரூபாய், ஒரு பாப்கான் 125 சொல்கிறான் என்று மனதார திட்டிகிட்டுத்தான் வாங்கி இருப்போம், அதில் படத்துக்கு செல்லும் போதோ நம்ம பைய அவர்கள் வாங்கி சல்லடை போட்டு தேடும் படலம் எல்லாம் நடக்கும். இதை எல்லாம் சகிச்சிகிட்டு தான் நாம் படம் பார்க்கிறோம் இல்லை என்று யாரும் மறுக்க இயலாது.

ஆனால் இந்த தியேட்டரில் பாப்கான் 15, ஐஸ்கிரீம் 15, பப்ஸ் 12, காபி 10 என அனைத்து பொருட்களும் 15 ரூபாய்க்கு மேல இல்லீங்க இது தான் ஆச்சயர்மான உண்மையும் கூட. எதோ ஒரு தியேட்டரில் பப்ஸ் 50 ரூபாய்க்கு வாங்கி திட்டிகிட்டே திண்ணு அனுபவம் உண்டு. ஆனால் நேற்று பாராட்டிகிட்டே சாப்பிட்டேன். படம் முடிந்த பின் அந்த ஸ்கிரீனை கீழே இறக்கியது அந்தநாள் ஞாபகத்திற்கு கொண்டு போய்விட்டது..

சுத்தமாகவும், சுகாதராமாகவும், தரமாகவும், விலைகுறைவாகவும் நிம்மதியாக படம் பார்க்கவேண்டும் என்றால் நம்பி செல்லலாம் இந்த தியேட்டருக்கு...

எல்லா தியேட்டரும் இப்படியே இருந்தா நிச்சயம் மக்கள் விசிடியை தேடாமல் தியேட்டரை நோக்கி படை எடுப்பார்கள்...

மஞ்சப்பை - இது சினிமா விமர்ச்சனம் அல்ல...

தற்போது வாழ்க்கைக்காக இடம் பெயறுபவர்கள் தான் நிறைய, அதுவும் படித்து முடிச்சு பட்டணத்தில் வேலை பார்த்து, அப்படியே தங்கள் இலட்சியமாக அமெரிக்கா போவது எப்படி என்பதைத்தான் அடுத்த இலக்காக வைத்து செயல்படுகின்றனர், இது தான் இன்றைய இளம் தலைமுறையினரின் இலட்சியமும் கூட.

பட்டணத்தில் வேலை பார்க்கும் இளைஞர்கள் எத்தனை பேர் தன் தாய், தந்தையரை பட்டணத்துக்கு அழைத்து வந்து ஊரைச்சுற்றிக்காட்டுகின்றனர் என்றால், சொற்ப எண்ணிக்கைதான் என்று அடிச்சு சொல்லமுடியும் நம்மால். அதுவும் தாய், தந்தையர் படிச்சு இங்கு கிராமத்தில் வேலையில் இருப்பவர்களாக இருந்தால் அவர்களை அழைத்து வந்து இதுதாம்மா நீ ஆனந்த விகடனில் படித்த வேளச்சேரி மால், கிழற்கு கடற்கரை சாலை என ஒவ்வொன்றையும் சுற்றிக்காட்டுவர். கிராமத்தில் கூலி விவசாயியாக இருந்தால் இதை எல்லாம் தவிர்ப்பவர்களே இங்கு அதிகம்.

கிராமத்தில் ஏழை விவசாயியாக இருந்தால் அதிகபட்சம் சென்னைக்கு வர ஆசைப்படுபவர்கள் தலைவர் எம்ஜிஆர் சமாதியை ஒருநாளைக்காவது கூட்டிட்டுப்போய் காட்டுப்பா என்று தவமாய் தவமிருப்பர், அப்புறம் அவர்களை அழைத்து வந்து ஊரைச்சுற்றிக்காட்டுவது அதிகபட்சம் ஒரு வார இறுதி நாட்களாகத்தான் இருக்கும்.

நான் தற்போது இருக்கும் அடுக்குமாடி குடியிருப்பிற்கு வந்த எனது அப்பா, காலை எழுந்ததும் கைலியும், முண்டா பனியனும் போட்டுகிட்டு வாக்கிங் கிளம்பி விடுவார் நான் இப்படி எல்லாம் போகாதே சட்டையும், வெள்ளை வேஷ்டியும் கட்டிட்டுப்போங்க என்று கட்டாயப்படுத்துவேன் இந்த மஞ்சப்பை பார்த்ததும் நான் செய்தது மிக தவறு என்பதை உணர்ந்து வருத்தப்பட்டேன், அடுத்த முறை வரும் போது கைலியும், முண்டா பனியனோடுமே நீங்க வாக்கிங் செல்லுங்க என்று கூறுவது என்று இப்போதே முடிவெடுத்து விட்டேன்.

இந்த மஞ்சப்பை நிச்சயம் அனைவரும் பார்க்கவேண்டிய திரைப்படம், தனது அப்பா, அம்மாவை தன்னோடு வைத்துக்கொள்ளாதவர்கள் நிச்சயம் பட்டணத்தில் படும் பாடு அவர்களுக்கு நன்றாக தெரியும், தன்னை வளர்த்த தாத்தாவை நிச்சயம் இப்போதிருப்பவர்கள் தன்னோடு வைத்துக்கொள்வது என்பது நினைத்து பார்க்க முடியாத ஒன்று ஆனால் இந்த படத்தில் தாத்தாவை தன்னோடு வைத்துக்கொண்டு அவர் செய்யும் எதாச்சையான சேட்டைகளை நம்மால் மிக ரசிக்க முடிகிறது. அதனால் அவர் அறியாமல் வரும் விபரீதங்கள் நம் கண்களில் நீர் வரை வைக்கிறது.

படத்தின் முதல் பாதி நல்ல ஜாலியாக போன படம் பின் பாதியில் நிறைய முறை என்னையும் அறியாமல் என் கண்களில் நீர் வரவைத்து விட்டது. சினிமாவுக்கு செல்லும் போது சந்தோசமான இடங்களிலும், நெகிழ்ச்சியான இடங்களிலும் என் கண்களில் இருந்து தாரை தாரையாக கண்ணீர் வரும் என்பது நான் அறிந்ததே, படத்திற்கு சென்றால் மனைவியையும் அழைத்து செல்லவேண்டும், அங்கு நான் அழுததை அவள் ரசிப்பாள் என்பதற்காகவே படத்திற்கு செல்வதை தவிர்த்து வந்த நான், என் மச்சானுடன் இந்த படத்திற்கு சென்று, கொஞ்சம் நிறையவே என்னை கண்ணீர் சிந்த வைத்து விட்டது இந்த படம்.. என்ன கடைசியாக மச்சானின் பக்கத்தில் உட்கார்ந்ததால் என் கண்ணீரை யாரும் காணவில்லை, பட் படம் முடிஞ்சு வரும்போது எங்க வீட்டில் எல்லோரும் அழுதிருந்தது நிறைய மனதில் இடம் பிடித்து விட்டது இந்த படம்.

சிலர் விமர்ச்சனம் என்ற பெயரில் இந்த மாதிரி எல்லாம் தாத்தா சேஷ்டைகள் செய்ய மாட்டார் என்றும், கொஞ்சம் ஓவர் என்றெல்லாம் பில்டப்போடுவாங்க, தீவிர சினிமா ரசிகன் அல்லாத எனது பார்வையில் நிச்சயம் இந்த படத்தை பார்க்கவேண்டும், நம் பெற்றோரையும், தாத்தாக்களையும் பாடாது பாடு படுத்துவதை நாம் அறிய இந்த படம் மிக உதவியாக இருக்கும். இந்த படம் பார்த்த அன்று எனக்கு என் தாத்தாவின் நினைவுகளும், நான் அவரிடம் செய்த சேட்டைகளும் மனதில் வந்து நினைவுகளை இனிமையா தந்தது அன்றைய இரவு.

சங்கவியும் சில்க்சுமிதாவும்...

ஒவ்வொருவருக்கும் ஒரு கால கட்டத்தில் ஒவ்வொருவருக்கும் ஒருத்தரை நிச்சயம் பிடித்திருக்கும் அதற்கு திரைநட்சத்திரம் விதிவிலக்கல்ல எனக்கு பிடிச்ச நடிகர், நடிகை என ஒவ்வொருவரும் ஒரு அடையாளப்படுத்துவோம் அப்படி அடையாளப்படுத்தாமல் ஆண்களாகட்டும், பெண்களாகட்டும் வெளியே சொல்லாமல் ( சில பேர் சொல்லி இருப்பாங்க) அனைத்து தரப்பினரும் ரசித்த நடிகை சில்க் சுமிதா என்றால் அது மிகையல்ல.

சில்க்சுமிதா என்னுள்ளும் ஒரு காலத்தில் இருந்தார் என்பதை வெளிப்படையாக யாரும் அவ்வளவு சீக்கிரம் ஒத்துக்கொள்ள மாட்டார்கள். இந்த கேள்வியை அவர்களிடம் கேட்டால் அழகான சிரிப்பு தான் பதில் வரும் இது தான் நிதர்சன உண்மையும் கூட..

விஜயலட்சுமி என்ற இயற்பெயரில் அழகிய கண்களும், கட்டுக்குழையாத உடல்வாகும், பார்த்ததும் சுண்டி இழுக்கும் நடையும், போதையான பேச்சுக்கும் சொந்தக்காரி. முதல் படமான வண்டிச்சக்கரத்தில் நடிக்கும் போது சில்க்சுமிதா என்ற பெயரில் அறிமுகமானார். பார்க்க பார்க்க பிடிக்கும் என்ற பேச்சிற்கே இடமில்லாமல் பார்த்ததும் பிடித்த நடிகை ஆனார்.

முதல் படத்திற்கு பின் பல படங்கள் கோழிகூவுது, அலைகள் ஓய்வதில்லை, மூன்றாம் பிறை, மூன்று முகம், கைதி போன்ற படங்கள் இன்றும் சில்க்கை ஒரு நிமிடம் நின்று பார்க்க வைக்கம் படங்கள்...

இந்த படங்கள் எல்லாம் வரும் போது நான் பிறக்கவில்லை 1990 களின் ஆரம்பத்தில் நான் 8ம் வகுப்பு படிக்கையில் சில்க்கை பற்றி கேள்விப்பட்டு இருக்கேன் ஆனால் படங்களில் பார்த்ததில்லை எங்க ஊர் திரையரங்குகளில் மட்டும் தான் படம் பார்க்கும் வாய்ப்பு கிடைக்கும், பவானியோ குமராபாளையமோ சென்று ரிலீஸ் படம் பார்க்கும் வாய்ப்பு இல்லை.

தினத்தந்தி வெள்ளி மலரில் வரும் சில்க்கின் படத்தை யாருக்கும் தெரியாமல் கட் செய்து புத்தகத்தில் அட்டை போட்டு இருப்போம் அந்த அட்டைக்குள் படத்தை மறைத்து வைத்து டியூசனில் யாருக்கும் தெரியாமல் குமபலாக உட்கார்ந்து சில்க்கின் போட்டோவை பார்த்தது எத்தனை காலம் ஆனாலும் மறக்காது.

எங்க ஊரு ஓபன் தியேட்டரில் வாரம் வாரம் படம் மாற்றுவார்கள் காலை எழுந்து போஸ்டரை பார்க்கும் போது சில்க்கின் படம் இருந்தால் எப்படியும் அன்று இரவு படத்துக்கு செல்ல வேண்டும் என நண்பர்கள் எல்லாம் முடிவு செய்து வீட்டில் பொய் சொல்லி படத்தை பார்த்துவிடுவோம் எங்கள் ஊர் தியேட்டர் ஒபன் தியேட்டர் மாலை 6 மணி, இரவு 10 மணி என இரண்டு காட்சிகள் தான் இந்த இரண்டில் எப்படியாவது படத்தை பார்த்து அடுத்த நாள் பள்ளி செல்லும்போது பேருந்து நிலையத்திலும், பேருந்திலும் சில்க்கின் புராணமாகத்தான் இருக்கும்..

ஊரில் எங்கள் அண்ணன்கள் எல்லாம் சில்க்கை பற்றி பேசும் போது அப்போது அந்த குறிப்பை எடுத்துக்கொண்டு நண்பர்களிடம் பேசும் போது அப்படியாம், இப்படியாம் என தகவல்களை அள்ளி விடுவோம். எங்களுக்கு சில்க் அறிமுகமாவதற்கு முன்னே எங்க ஊர் அண்ணன்கள் எல்லாம் அவள் பேரைச்சொல்லி கிளுகிளுப்பாக பேசுவதை எல்லாம் கேட்டு இருக்கிறோம் அந்த அளவிற்கு தனது கண்களாலும், பேச்சாலும் கட்டிப்போட்டவள்..

14 வயதில் இருந்து 80 வயது உள்ள வயதானவர்கள் கூட சில்க் படத்தையும், பாட்டையும் ரசித்த காலம் அது ரேடியாவில் சில்க் ஆடும் பாடல்களை போட்டலே அனைவரும் கூடி நின்ற பாட்டு முடிந்த பத்தி நிமிடத்துக்கு சில்க்கின் புராணத்தை பாடுவர்.

இன்றும் திரைப்பட நடன நாட்டிய நிகழ்வில் சகலகலா வல்லவனில் இடம் பெற்ற நேத்து இராத்திரி யம்மா பாடலுக்கு ரசிகர்கள் கூட்டம் அலைமோதும், மூன்றாம் பிறையில் பொண்மேனி உருகுதே என்ற பாடலும் அப்போது எல்லாம் வெள்ளிக்கிழமை ஒலியும் ஒளியும் போது இடம் பெறும் அப்போது பெண்கள் முகம் சுளித்தாலும் அந்த சில்க்கின் ஆட்டத்தை ரசிக்கத்தான் செய்தனர் கேட்டால் இல்லை என்பார்கள். ஏன் ஆண்களே ஒத்துக்க மாட்டார்கள்.. அந்த அளவிற்கு அனைவருக்கும் தேவதையாக இருந்தவள் சில்க்.

சில்க்கின் நடிப்பு, நடனம், பேசும் வார்த்தை என ஒவ்வொன்றும் ஒரு ரகம் சிறந்த நடிப்பு என்று சொல்ல முடியாது, நல்ல நளினமான நடனம் என்று சொல்லலாம். அந்த நடனத்தில் கவிழ்ந்தவர்கள் உலகம் எங்கும் என்றும் சொல்லலாம். ஒவ்வொரு படத்திலும் ஒரு நளினமான நடனம்.

அப்போது எல்லாம் நடிகர்களுக்கு கடிதம் போட்டால் அவர்களின் கையொப்பமிட்ட போட்டோவை அனுப்பி வைப்பார்கள். நாங்கள் நண்பர்கள் 5 பேர் சேர்ந்து கடிதம் எழுதினோம் 2 பக்கத்துக்கு போட்டோ வந்தால் ஆளுக்கு ஒரு நாள்வைத்துக் கொள்ள வேண்டும் என்று ஒப்பந்தத்துடன் கடிதம் அனுப்பினோம் பதில் இல்லை, இரண்டு மூன்று முறை எழுதியும் அனுமதி இல்லை என்பது தான் அப்போதைய வருத்தம்..

இப்படியாக சில்க்கின் மீதான காதல் அனைவருக்கும் அதிகமான போது எனக்கும் அதிகமானது என்பது தான் எதார்த்தம். சில்க்கின் ஒவ்வொரு படத்தையும் அந்த படத்திற்காக பார்த்தோமோ இல்லையோ சில்க்கிற்காக பார்த்தோம் என்று உண்மையை சொல்ல கடைமைப்பட்டு இருக்கேன்..

1996வாக்கில் 12ம் வகுப்பு படிக்கம் போது காலை செய்திதாளை படிக்கும் போது தான் சில்க் தற்கொலை செய்து கொண்டார் என்ற செய்தி வந்தது அதுவரை எந்த நடிகைக்கும் கிடைக்காத போட்டோக்களுடன் பத்திரிக்கையில் அந்த மோகப்புன்னகையில் சிரித்துக்கொண்டு இருந்தாள். இறந்தாள் என்ற செய்தியை விட அன்றும் கவர்ச்சி படத்தை வெளியிட்டார்கள் என்பது தான் மறுக்க இயலாத உண்மை.

ஆனால் அன்று நான் மட்டுமல்ல எனது விடுதி அறையில் இருந்த நாங்க யாருமே தூங்கவில்லை, அன்று முழுவதும் மட்டுமல்ல அந்தவாரம் முழுகூதும் சில்க் அப்டேட் செய்திதாளில் மட்டுமல்ல எங்களிடமும் தான்.

அப்போது தான் உணர்ந்தேன் நாம் விரும்பியவர்கள் நம்மை விட்டுச்சென்றால் எப்படி இருக்கும் என்பதை..

சில்க் சுமிதா இருந்திருந்தால் நம்மிடம் இத்தனை இடம் பிடித்து இருப்பாளா என்றால் நிச்சயம் பதில் கூற இயலாது.. இறந்ததால் தான் இன்றளவும் பேசப்படுகிறாள்...

சில்க் இறந்த போது மு.மேத்தா எழுதிய கவிதைகளை படித்த பின்தான் எனக்கு இந்த பதிவு எழுதும் நோக்கமே வந்தது...

அவளுக்கு ஓர் ஆடை 
வாலிப வசந்தங்களின்
திருவிழாத் தேவதையே!
செப்பனிடப் படாத சொப்பனமே!

 

மர்மம் சூழ்ந்த உன்

மரண வாசலில்

என் கவிதை

உனக்கு

மலர் தூவுகிறது!

வறுமையின் கோரப் பிடியிலும்

ஒழுங்காக உன்னால்

உடுத்திக் கொள்ள முடியவில்லை!

வசதியின் வாழ்க்கை படியிலும் ஒழுங்காக உன்னால்

உடுத்திகொள்ள முடியவில்லை!

அணிந்து மகிழ்வதற்காகவே ஆடைகள்..

உன் ஆடைகளின் கதையோ

சோகமானது..

அவை அவிழ்பதற்காகவே…

அணிவிக்கப்பட்டவை..

நடிகை என்று உன்னை

நாடு அழைத்தது!

எங்கள் முன்
ஒரு கேள்வியை

எரிந்தது உன் வாழ்க்கை!

‘ நடிக்காதவர் யார்?’

நீ தாலி கட்டாமல்

வாழ்ந்தது கூடத்
தவறில்லை-ஒரு

வேலி கட்டி
வாழ்ந்திருக்கக் கூடாதா?

யார் யாருக்கோ

அட்சய பாத்திரமாய் இருந்தாய்!
உன்னையே நீ ஏன்

பிச்சைப் பாத்திரமாய்

உணர்ந்தாய்?

கனவுத்தொழிற்சாலையே உன் கைக்குள் இருந்தது!

நீ ஏன் இன்னொருவர் கைக்குள்

இறுகிக் கிடந்தாய்?

நீ
விசிறிகளை நேசித்தாய்..

அதனால் தானாஉன் மரணத்தையும் ஒரு விசிறியிடம்

யாசித்தாய்?

உன் மரணத்துக்காக

என் கவிதை இப்போதுகண்ணீர் சிந்தவில்லை..

பெருமூச்சு விடுகிறது!

இனி

தூக்கத்தில் யாரும் உன்னைத்

தொல்லை செய்ய மாட்டார்கள்…

உன் படுக்கையில்
நெருப்பை யாரும் பற்ற வைக்க மாட்டார்கள்…

இனி உனக்குகூரிய நகங்களால் கீறும்

இரவுகளும் இல்லை!

கொள்ளிக் கட்டைகளாய்ச் சீறும் பகல்களும் இல்லை!

விஜய்யின் வேட்டைக்காரன் 100 நாளை நோக்கி..............? பாகம் 1

நான் விஜய்யின் ரசிகன் ஒரு காலத்தில்.. அவர் நடித்ததில் எனக்கு மிகவும் பிடித்த படம் கில்லி 15 முறை பார்த்து இருப்பேன். அதற்கு அப்புறம் நான் சினிமா பார்ப்பதை குறைத்து விட்டேன்
விஜய் படங்கள் எல்லாம் ரீமேக் படமாக இருப்பதால் சுத்தமாக பார்ப்பதில்லை. ஆனால் சமீபத்தில் வேட்டைக்காரன் ரொம்ப எதிர்பார்ப்பை ஏற்படுத்தி இருக்கிறது. படம் ஓடுமா ஓடாதா என எனது நண்பர்கள்
மட்டுமின்றி அனைவரும் பட்டிமன்றமே நடத்துகின்றனர். இந்த சமயத்தில் விஜய்யைப்பற்றியான எஸ்.எம்.எஸ் எனக்கு நிறைய வருகிறது. அது இன்று மிக பிரபலமாக இருக்கிறது. இன்று காலை எனது நண்பனின் மொபைலில் ஒரு பிரபல சானலில் வரும் செய்தியைப்போல் வில்லு படத்தை போட்டு தாக்கு தாக்கு என தாக்கி இருந்தார்கள் என்னடா நமது தலைவரை இந்த தாக்கு தாக்கறாங்கன்னு மனது கேட்கல அதனால எனக்கு வந்த எஸ்.எம்.எஸ் எல்லாம் உங்களுடன் பகிர்நது இது சாரியானு கேட்கலாம்னு தான் இந்தப்பதிவு. எத்தனை எஸ்.எம்.எஸ் வந்தாலும் தலைவரின் வேட்டைக்காரன் 100 நாளை நோக்கி போகுமா? இல்ல பொங்கலுக்கு படத்தை மாத்திருவாங்களான்னு 18ம் தேதி வரை பொறுமையுடன் இருப்போம். எனக்கு வந்த எஸ்.எம்.எஸ் எல்லாம் கொடுத்து இருக்கிறேன் நீங்களும் பார்த்து உங்க கருத்துக்களை சொல்லுங்க...

காவல் அதிகாரி: நாளைக்கு உனக்கு தூக்கு உன் கடைசி ஆசை எதுவாவது இருக்கா?

கைதி: நான் அஜித்தப் பாக்கனும்.

காவல் அதிகாரி: அவர் சூட்டிங்கில பிஸியா இருக்காரு பதிலுக்கு விஜயைப் பாக்குறியா?

கைதி: அதுக்கு நான் தூக்கிலயே தொங்கிடுவேன்

*******************************************************************************

விஜய்: நான் அடிச்சா தாங்க மாட்டே

நாலுமாசம் தூங்க மாட்டே

ரசிகர்: டேய் நீ அடிச்சாக்கூட பரவாயில்லடா

நீ நடிச்சாத்தான் தாங்க முடியல

*********************************************************************************************** 


பிச்சைக்காரர்: அய்யா தருமம் பண்ணுங்கய்யா...

நடிகர் விஜய்: இந்தா 1000 ருபா வைச்சுக்க

விஜயின் பிஏ: என்ன சார் பிச்சைக்காரனுக்கு 1000 ருபா போட்டுடிங்க

நடிகர் விஜய்: யோவ் உனக்கு இந்த பிச்சைக்காரன தெரியல இரண்டு வருசத்துக்கு முன்னாடி என்ன வச்சி படம் எடுத்த தயாரிப்பாளர்ய்யா..

**********************************************************************************************


டைரக்டர்:படத்துக்கு வடிவேல் போடலாமா?
அல்லது விவேக் போடலாமா?

dr.விஜய்:சார் கவலைய விடுங்க நானே காமெடி ரோலும் பண்ணிடறேன்.....

டைரக்டர்:காமெடி ரோல் நீங்க தான் பண்ணுறீங்க , நான் படத்துக்கு ஹீரோ வா யார போடலாம்னு கேட்டேன்....
 

******************************************************************************  


 சினிமா தியேட்டரில் விஜய் படம் பார்க்க வந்தவர்களுக்கு ஏன் இஞ்சி மிட்டாய் கொடுக்கிறார்கள் தெரியமா?

கதையை ஜீரணிக்க முடியாததால்.


*********************************************************************************************


அதோ போறாரே அர் வில்லு படத்தை தொடர்ந்து 100 தடவையா பார்த்துக்கிட்டிருக்கார்.

அவ்வளவு தீவிர விஜய் ரசிகரா...?

ம்ஹும் அவரு தியேட்டர் ஆப்ரேட்டர்...!

*********************************************************************************

விஜய் படம் வெளியிட்டிருக்கிற தியேட்டரில் மட்டும் நாற்காலியின் உள்பகுதியை வெட்டி இருக்கீங்களே ஏன்?


அப்பத்தானே மக்கள் மத்தியில் சீட் நுனியில் உட்கார்ந்து படம் பார்த்தாகள்னு சொல்லலாம்.

*********************************************************************************

விஜய் யோட முகத்தை அடிக்கடி க்ளோஸ் அப்ல காட்ட வேணாம்னு சொன்னேனே...! கேட்டீங்களா?

ஏன்யா...! என்னாச்சு?

பேய்ப் படம்னு யாரும் பார்க்க வரமாட்டேகிறாங்க

*******************************************************************************************

கணவன்: ஏண்டி! பிச்சகாரன நடு வீட்ல வச்சி சோறு போட்டுட்டு டி.வீ பார்க்க விட்ருக்க...?

மனைவி: விடுங்க... பார்த்துட்டு போகட்டும்.. அந்த காலத்தில அவர் எடுத்த விஜய் படம் தானாம் அது....

************************************************************************************

ரசிகர் : ஹலோ பெப்சி உமாவா?எனக்கு வில்லு படத்துல இருந்து ஏதாவது பாட்டு போடுங்க.....

உமா : கொஞ்சம் பொறுங்க இன்னும் ரெண்டு நாள்ல படத்தையே போடுறோம்...

**********************************************************************************

விஜய் அவங்க அம்மாவிடம் : ஏம்மா என்ன கருப்பா பெத்த?

ஷோபா : கலரா இருந்தா மட்டும் நீ என்ன நடிக்கவா போற ? ரீமேக்கு இது போதும்.

**********************************************************************************

எல்லாம் படிச்சீங்களா இப்படி போட்டுத்தாக்குன்னா தலைவர் என்னங்க பண்டுவார்........

எல்லாருக்கும் வேட்டைக்காரன்ல பதில் சொல்லுவார் என எனக்கு நம்பிக்கை இருக்கு......

மீண்டும் அடுத்த பதிவில் மற்ற எஸ்.எம்.எஸ் எல்லாம் பாகம் 2 ஆக பதிய இருக்கிறேன் காத்திருங்கள்...........................