முதல்நாள் திருவிழாவும் சங்கவியும்.....

ஒரு வாரத்திற்குப்பின் இன்று தான் வலைப்பக்கம் வர முடிந்தது. கடந்த ஐந்து நாட்களாக திருவிழா சந்தோசத்தில் இன்று தான் மீண்டு அலுவலகம் வந்தேன். கடந்த செவ்வாய் இரவு திருவிழா தொடங்கியது செவ்வாய் இரவு 9 மணியவில் எங்கள் ஊரை சென்றடைந்தேன். ஊர் முழுவதும் விளக்குகள் எரிந்து திருவிழா தொடங்கியதற்கான ஒரு சந்தேசாத்தில் இருந்தது.

முதல் நாள்

திருவிழாவின் முதல் நாள் நிகழ்ச்சியாக சாமி ஊர்வலம், வானவேடிக்கை மற்றும் கரகாட்டம், நையாண்டி மேளம், குறவன் குறத்தி ஆட்டம். எங்கள் ஊரில் எனது நண்பர்களை சந்தித்து நலம் விசாரித்த பின் சாமி ஊர்வலம் வர இரவு 12 மணி ஆகும் என்பதால் வெளியூரில் இருந்து என்னைப்போல் வந்த நண்பர்களுடன் ஊரைச்சுற்றி முடித்து விட்டு சாமி ஊர்வலத்தை எதிர்பார்த்து காத்து இருந்தோம். எங்கள் ஊர்த்திருவிழாவை இப்பதிவின் மூலம் பதிவதில் மிகவும் சந்தோசப்படுகிறேன். முதல் நாள் நிகழ்ச்சிகள் மட்டும் எனது மொபைலில் படம் எடுத்தேன் அடுத்த இரண்டு நாட்கள் திருவிழாவில் ஆட்டம் போட்டதால் வீடியோ எடுக்க இயலவில்லை. ஊர் சார்பாக எடுத்த வீடியோ எனக்கு வரும் சனிக்கிழமை தான் கிடைக்கும் கிடைத்த உடன் உங்களுடன் பகிர்கிறேன்..

எங்கள் கிராம திருவிழாவை நீங்களும் பார்த்து ரசியுங்களேன்....