இதய நோயை கட்டுப்படுத்தும் கடுகு...

நம் முன்னோர்கள் உடலுக்கு ஆரோக்கியம் தரும் உணவுகளையே சாப்பிட்டு வந்தார்கள். அந்த உணவோடு மருந்துகளையும் உண்டு நோயின்றி நூறாண்டு வாழ்ந்தனர். ஒவ்வொருவீட்டிலும் சமையல் அறையிலுள்ள அஞ்சறைப் பெட்டியில் அற்புத மருந்துகள் இடம்பெற்றிருக்கும்.

உணவோடு சேர்ந்து நம் உடலைக் காக்கும் அற்புத கூட்டணிதான் இந்த அஞ்சறைப் பெட்டி பொக்கிஷங்கள். 

இந்த அஞ்சறை பெட்டியில் உள்ள அற்புதமான அரு மருந்து மற்றும் உணவுப் பொருட்களில் நாம் அதிகம் பயன்படுத்துவது கடுகு. கடுகை மூன்று வகைகளாக கூறுவர். நாய்கடுகு, மலைக்கடுகு, சிறு கடுகு என்று.

கடுகு சிறுத்தாலும் காரம் குறையாது என்பது பழமொழி. கடுகு அந்தளவிற்கு முன்னோர்கள் மனதில் இடம் பிடித்துள்ளது. இதன் பயன்களும் ஏராளம்.

நீரழிவு நோயை கட்டுப்படுத்த... 

கடுகு, ஆவாரை ‌விதை, மரம‌ஞ்ச‌ள், கருவேல‌ம் ‌பி‌சி‌ன் ஆ‌கியவ‌ற்றை எடு‌த்து சு‌த்த‌ப்படு‌த்‌தி வை‌த்து‌க் கொ‌ள்ளவு‌ம்.
‌வீ‌‌ட்டி‌ல் அ‌ம்‌‌மி இரு‌ந்தா‌ல் அ‌தி‌ல் இவ‌ற்றை வை‌த்து இடி‌த்து பொடியா‌க்க வே‌ண்டு‌ம்.
இதனை ‌நீ‌ர்‌வி‌ட்டு ‌‌பிசை‌ந்து சூரணமா‌க்‌கி வை‌த்து‌க் கொ‌ள்ளலா‌ம்.
‌நீ‌‌ரி‌ழிவு நோ‌ய் உ‌ள்ளவ‌ர்க‌ள் இ‌ந்த ‌சூரண‌த்தை 1-2 ‌கிரா‌ம் உ‌ள்ளு‌க்கு சா‌ப்‌பி‌ட்டு வ‌ந்தா‌ல் ‌‌நீ‌ரி‌ழிவு நோ‌ய் க‌ட்டு‌ப்படு‌ம்.

சிறுநீர் பெருக்கி

கடுகை அரைத்து தேனில் கலந்து தினமும் சாப்பிட்டு வந்தால் சிறுநீர் நன்கு பிரியும்.

கடுகு எண்ணெய்

கடுகிலிருந்து எடுக்கப்படும் எண்ணெயை வட இந்தியாவில் சமையலுக்கு பயன்படுத்தி வருகிறார்கள். கொழுப்பு சத்து அதிகமில்லாத இந்த எண்ணெய் இதய நோயை தடுக்கும்.

விக்கல் நீங்க

வெந்நீர் - 130 மி.லி. எடுத்து அதில் கடுகுத்தூள் - 8 கிராம் ஊறவைத்து வடிகட்டி அருந்தினால் விக்கல் நீங்கும்.

மேலும் பல பயன்கள்

விஷம், பூச்சி மருந்து, தூக்க மாத்திரை போன்றவற்றை சாப்பிட்டவர்களுக்கு, 2 கிராம் கடுகு நீர் விட்டு அைத்து நீரில் கலக்கி உட்கொள்ளக் கொடுத்தால் உடனடியாக வாந்தி எடுக்க விஷம் வெளியேறும்... 

தேனில் கடுகை அரைத்து உட்கொள்ளக் கொடுக்க இருமல், கபம், ஆஸ்துமா குணமாக்கும்.

கடுகை தூள் செய்து வெந்நீரீல் ஊற வைத்து வடித்து கொடுக்க விக்கலை குணப்படுத்தும்

கடுகை அரைத்து பற்றிட ரத்தக்கட்டு, மூட்டு வலி தணியும்

கை, கால்கள் சில்லிட்டு விரைத்துக் காணப்பட்டால் கடுகை அரைத்து துணியில் தடவி கை, கால்களில் சுற்றி வைக்க வெப்பத்தை உண்டாக்கும் உடனடியாக விரைப்பு சீராகும்.

கடுகு, மஞ்சள் சம அளவு எடுத்து நல்லெண்ணெயில் காய்ச்சி வடிகட்டிக் காதில் சில சொட்டுகள் இட தலைவலிக்கு நிவாரணம் கிட்டும்... 

அஞ்சறைப்பெட்டி 14.07.2011

உள்ளுரில் இருந்து உலகம் வரை........

மும்பையில் மீண்டும் குண்டுவெடிப்பு கொஞ்ச நாள் அமைதியாக இருந்தது மும்பை நகரம் மீண்டும் குண்டு வெடித்து அமைசியை கெடுத்து விட்டனர் படுபாவிகள் எத்தைனை அப்பாவி மக்கள் இன்று உயிருக்கு போராடுகின்றனர் குண்டு வைக்கும் போது இதை யோசிக்க மாட்டார்களா படுபாவிகள்.

உங்களுக்கும் அரசுக்கும் பிரச்சனை என்றால் அரசிடம் நேரடியாக மோத வேண்டியது தானே?

அதை விட்டு விட்டு அப்பாவி மக்களை பயமுருத்துபவர்கள் தீவிரவாதிகள் என்ற பெயரில் ரத்த வெறி பிடித்த மிருகங்கள்...

...............................................................................................

கோவையில் காவல் நிலையம் முன்பு அதிக மக்கள் நடமாட்டமுள்ள சிக்னலில் பட்ட பகலில் ஒரு கொடூர கொலை வீடியோவைப்பார்த்து வௌவௌத்துப்போனேன்.

இருவர் இருசக்கர வாகனத்தில் வருகிறார் வரும் போது சிக்னலில் எதிரே இருப்பவர் மேல் மோதுகிறார் அப்போது நான்குபேர் சேர்ந்து வாகன ஓட்டியின் மேல் கல்லைத்தூக்கிப்போட்டு கொலை செய்கின்றனர். மேலும் இதைப்பற்றி விசாரிக்கும் போது பாரில் தண்ணி அடிக்கும் போது தும்மலில் ஏற்பட்ட பிரச்சனை என்றார்கள்.

அடப்பாவிங்களா தண்ணி அடிச்சு நீங்க அடிச்சிகிட்டதாலே இன்று 5 குடும்பம் நடுத்தெருவில்......(இறந்தவன் குடும்பம் உள்பட..)

...............................................................................................

சமீபத்தில் கோயிலுக்கு சென்றிருந்த போது சமீபத்தில் திருமணம் நடந்த நண்பனை குடும்பத்துடன் சந்தித்தேன் பரஸ்பரவம் விசாரித்து விட்டு அனைவரும் வரிசையில் நின்று கொண்டு இருந்தோம் கூட்டத்தில் நண்பனின் மனைவி குங்குமம் வாங்காமல் வந்து விட்டார் இதை வெளியில் வந்து அவர் சொல்லும் போது பக்கத்தில் இருந்த அவர்களின் உறவினர் பெண் இந்தாம்மா குங்குமம் என்று கொடுத்தார்.

அந்த பெண் கொடுக்கும் போது அனைவரும் வேண்டாம் வாங்க வேண்டாம் என்ற கண்ணோட்டத்தோடு பார்த்தனர் ஆனால் நண்பனின் மனைவி மகிழ்ச்சியுடன் குங்குமத்தை வாங்கினார். அப்போது தான் குங்குமம் கொடுத்த பெண்ணைப்பார்த்தேன் அவர் பூவை இளந்த பெண்.

நண்பனின் மனைவியிடம் இதைப்பற்றி கேட்கும் போது மற்றவர்கள் கொடுத்த குங்குமத்தை விட அவர்கள் கொடுக்த குங்குமம் சிறப்பானது ஏன் என்றால் மற்றவர்கள் கொடுக்கம் போது குங்குமமாக கொடுப்பர் ஆனால் இவரின் ஆழ்மனதில் இருந்து இந்த குங்குமம் உன் வாழ்நாள் முழுவதும் இருக்கனும் என்று நிச்சயம் மனதில் நினைத்து தான் கொடுத்து இருப்பார் அதனால் அவரின் வாங்கினேன் என்றார். என் கண்ணில் ஆனந்தக்கண்ணீர்.

........................................................................................................

சமீபத்தில் நில அபகரிப்பு வழக்கிலும், மிரட்டல் வழக்கிலும் கடந்த ஆட்சியில் நல்ல பதவியில் இருந்தவர்கள் எல்லாம் நிறைய அனுபவத்துள்ளனர் இப்போது பலர் மேல் வழக்கு பதிவு செய்து உள்ளே செல்வது மக்களிடம் ஆச்சர்யத்தை ஏற்படுத்தி உள்ளது ஏன் எனில் மாட்டியவர்கள் எல்லாம் பலகோடியில் தான் புழங்கி இருக்கின்றனர். ஒரு சாமனியன் நினைத்து பார்க்காத தொகையைத்தான் ஒவ்வொரு மாவட்டத்திலும் சம்பாரித்து இருக்கிறார்கள். இச்செய்தியை அலுவலகத்தில் பேசிக்கொண்டு இருக்கும் போது என் நண்பன் திடீரென் இப்பாடலை பாடினான்...

மாட்டிக்கிட்டாரடி மைனர் காளை......கட்டிப்போட்டதடி கண்டாங்கிச்சேலை...

........................................................................................................

தற்போது முதல்வர் அளித்த மருத்துவர் காப்பீட்டுத்திட்டம் நிறைய பயன்கள் உள்ளது. பாராட்டப்ட வேண்டிய திட்டம்.

இத்திட்டத்துடன் அரசு மருத்துவமனைகளை உயர் தொழில்நுட்பத்துடன் மாற்றி அனைத்து திட்டங்களையும் அரசு மருத்துவமனையில் நிறைவேற்ற முயற்சி செய்யலாம். இன்றும் சாமானிய மக்கள் அரசு மருத்துவமனையில் தான் அதிகம் சிகிச்சை எடுக்கின்றனர் அரசு மருத்துவமனையின் தரத்தை உயர்த்தினால் இன்னும் ஏராளமானோர் பயன் பெறுவார்கள்.

அரசு மருத்துவமனை என்றாலே நிறைய குறை கூறுபவர்கள் தான் அதிகம் ஆனால் அங்கும் தரமான சிகிச்சைகள் நடைபெற்றுக் கொண்டுதான் இருக்கின்றன. தரமான மருந்துகள் கொடுத்து வருகின்றனர் என்பதை தற்போது நேரடியாக உண்ர்ந்தேன்.

உயர் இரத்த அழுத்தத்திற்கும், சர்க்கரைக்கும் எனது தந்தைக்கு மாதம் தனியார் மருத்துவமனையில் எல்லா டெஸ்ட் உடன் மாத்திரைக்கு மாதம் 2000 செலவு செய்து வருகிறேன். ஆனால் அவர் எங்கள் ஊரில் உள்ள ஆரம்ப சுகாதார நிலைய செவிலியரிடம் விசாரித்து இருக்கிறார் அவர் வாரம் வாரம் செவ்வாய்கிழமை இங்க எல்லா டெஸ்ட்டும் செய்து இலவசமாக மருந்துகள் தருகிறோம் வாருங்கள் என்று அழைத்திருக்கிறார் இவரும் சென்று மருந்துகள் அனைத்தையும் வாங்கி வந்து உபயோகப்படுத்துகிறார். ஊரிற்கு சென்றிருந்த நான் அந்த மருந்துகளையும் இதற்கு முன் தனியார் கொடுத்த மருந்தையும் பார்த்தால் கம்பெனிதான் வேறு மற்றபடி இரண்டும் ஒன்று தான் அப்பொழுது விசாரிக்கும் போது இங்கு குறைந்த பட்சம் வாரம் 200 பேர் மருந்துகளை வாங்கிச்செல்கின்றனர் என்றனர்.

அரசு மருத்துவமனையின் தரம் உயர்த்தினால் இன்னும் நிறைய பயனாளர்கள் பயன் பெறுவர்.

நாட்டு நடப்பு

மாநிலங்களவை உறுப்பினராக செய்தியாளர் ரவிபெர்னாட் அதிமுக சார்பாக தேர்வு, இது விசுவாசத்திற்கு கிடைத்த பரிசு.

மிரட்டல், நில அபகரிப்பு வழக்கில் தமிழகம் எங்கும் தினமும் பரபரப்பான செய்தி சுடச்சுட வந்து கொண்டே இருக்கிறது.

திருவனந்தபுரத்தை அடுத்து திருச்சி ஸ்ரீரங்கத்தில் புதையல் இருக்கும் என புரளி கிளம்பியுள்ளது இருந்தால் நமக்கு மிக்க மகிழ்ச்சி தான்...

தகவல்

இஸ்ரேலில் உள்ள பென்-குரியன் பல்கலைக்கழகத்தைச் சேர்ந்த பேராசிரியர் ஆப்ரகாம் தமிர் என்பவர், தனது மாணவர்கள் துணையுடன் மனித மூக்குகள் குறித்த ஆராய்ச்சியில் இறங்கினார்.

மனிதர்களின் முக்கிய உறுப்புகளில் மூக்கும் ஒன்று. முகத்துக்கு அழகை சேர்ப்பது மூக்கு என்றால் அது மிகையாகாது. மனிதர்களுக்கு எத்தனை வகை மூக்குகள் உள்ளன? என்பதை கண்டறியவே இந்த ஆராய்ச்சி மேற்கொள்ளப்பட்டது.இந்த ஆராய்ச்சியில் மனிதர்களுக்கு 14 விதமான மூக்குகள் உள்ளன என்று கண்டறியப்பட்டுள்ளது.

பிறைவடிவிலான மெல்லிய மூக்கு, சதைப் பிடிப்பு மூக்கு, உருண்டை மூக்கு, ரோமன் மூக்கு என மொத்தம் 14 விதமான மூக்குகள் பட்டியலிடப்பட்டு உள்ளது.

சதைப் பிடிப்பிடிப்புள்ள மூக்குகள் ஆண்களிடம் தான் அதிகமாக காணப்படுகின்றன. இந்த மூக்குக்கு உதாரணம் கூற வேண்டுமானால், இளவரசர் பிலிப்பை சொல்லாம். நடிகர் டாம் குரூஸிடம் “ரோமன்” மூக்கு அமைந்துள்ளது. மூக்கு விஷயம் சாதாரணமானது அல்ல. அவை ஒவ்வொன்றும் ஒவ்வொரு உணர்வுகளை வெளிப்படுத்துவதாக பேராசிரியர் ஆப்ரகாம் தபிர் கூறுகிறார்.   

எந்த வகையான மூக்கை விரும்புகிறீர்கள் என்று பொதுமக்களிடம் நடத்தப்பட்ட கருத்துக்கணிப்பில் லேசாக விளைந்த பிறை வடிவ மூக்கை விரும்புவதாக 13 சதவீதம் பேர் கருத்து தெரிவித்தள்ளனர். நீண்ட மூக்கை பெரும்பாலானோர் விரும்பவில்லை. தடிமனான மூக்குக்கு 5 சதவீதம் பேர் மட்டுமே ஆதரவு தெரிவித்தள்ளனர். 

அறிமுக பதிவர்

இந்த வார அறிமுகப்பதிவர் சூர்யஜீவா திருவண்ணாமலையைச் சேர்ந்த இவரின் அரசியல் கட்டுரைகள் ஒவ்வொன்றும் சிறப்பாக இருக்கும் ஆணிவேர் என்ற பெயரில் எழுதி வருகிறார்.

http://suryajeeva.blogspot.com/
 

தத்துவம்

கீழ்ப்படியக் கற்றுக்கொள். கட்டளையிடும் பதவி தானாக உன்னை வந்து அடையும்.

மனிதனுக்கு சரியான பொது அறிவு இல்லாமல் போகுமானால் எந்த அளவுக்கு விஞ்ஞானம் முன்னேறுகிறதோ அந்த அளவுக்கு அவன் துயரத்தையும் அனுபவிப்பான்.

சபாஷ்.... அம்மாவின் புதிய மருத்துவ காப்பீட்டுத் திட்டம்...

முதல்வராக ஜெ பதவி ஏற்றபின் முந்தைய அரசின் மருத்துவ காப்பீட்டுத் திட்டத்தை ரத்து செய்தார். உடனே உடன்பிறப்புகள் எல்லாம் ஏழைகளின் திட்டம், நல்ல திட்டம் கருணாநிதி கொண்டு வந்ததற்காகவே ரத்து செய்து விட்டனர் என்று கூக்குரலிட்டனர். அதற்கு பதில் அளித்த முதல்வர் ஏழைகளுக்கான திட்டத்தை ரத்து செய்யவில்லை அத்திட்டத்தில் ஏழைகளுக்கு பாதகமாக நிறைய  இருக்கின்றன அதைக் களை எடுத்து ஏழை மக்களுக்கு உதவும் வகையில் புதிய காப்பீட்டுத்திட்டம் உருவாக்கப்படும் என்றார் சொன்னபடி இன்று உருவாக்கி விட்டார். அவர் கூறியபடியே ஏழைகள் பயன்படும் வகையில் அற்புதமாக இருக்கிறது புதிய காப்பீட்டுத் திட்டம்.

புதிய காப்பீட்டுத் திட்டம்: 

முந்தைய காப்பீட்டுத் திட்டத்தின் கீழ் ஒரு குடும்பத்துக்கு அதிகபட்ச மருத்துவச் செலவாக நான்கு ஆண்டுகளுக்கு ரூ.1 லட்சம் வீதம் வழங்கப்பட்டது. புதிய மருத்துவக் காப்பீட்டுத் திட்டத்தின் கீழ் ஓராண்டுக்கு ரூ.1 லட்சமும், குறிப்பிட்ட சில நோய்களுக்கு ரூ.1.5 லட்சம் வரையிலும் அனுமதிக்கப்படும். அதாவது, நான்காண்டுகளில் ஒரு குடும்பம் அதிகபட்சமாக ரூ.4 லட்சத்துக்கான மருத்துவச் செலவினைப் பெற இயலும்.

முந்தைய காப்பீட்டுத் திட்டத்தின் கீழ் 642 வகையான சிகிச்சை முறைகள் அனுமதிக்கப்பட்டு இருந்தன. இந்த சிகிச்சை முறைகள் மாற்றி அமைக்கப்பட்டு இப்போது மருத்துவ மேலாண்மை மற்றும் பச்சிளங்குழந்தைகளுக்கான சிகிச்சை முறைகளையும் சேர்த்து இந்தப் புதிய காப்பீட்டுத் திட்டத்தின் கீழ் 950 வகையான சிகிச்சை முறைகள் அனுமதிக்கப்படும்.

அரசு மருத்துவமனைகளில் அனுமதிக்கப்படும்: மருத்துவ சிகிச்சை அளிக்கும்போது அதனுடன் தொடர்புடைய பரிசோதனைகளும் காப்பீட்டுக்காக வரையறுக்கப்பட்ட தொகையில் அடங்கும்.

அரசு மருத்துவமனைகளின் மூலமாகவோ, மருத்துவ முகாம்களின் மூலமாகவோ பரிந்துரைக்கப்படும் நோயாளிகளுக்குப் பரிசோதனைக்காக செலவிடப்பட்ட தொகை, அறுவைச் சிகிச்சை தேவைப்படாத பட்சத்திலும் காப்பீட்டுத் தொகையில் அடங்கும் வகையில் வழிவகை செய்யப்படும்.

ஏற்கெனவே இருந்த காப்பீட்டுத் திட்டத்தில், அறுவை சிகிச்சை மேற்கொள்ளாத இனங்களில் பரிசோதனைச் செலவு வழங்குவதற்கு வழிவகை செய்யப்படவில்லை.

நோயாளிகள் மருத்துவமனையில் சிகிச்சைக்காக அனுமதிக்கப்படுவதற்கு முந்தைய நாள் மற்றும் மருத்துவமனையில் சிகிச்சை முடிந்து வீட்டுக்கு திருப்பி அனுப்பப்படும் நாளில் இருந்து 5 நாட்களுக்கு செய்யப்படும் பரிசோதனைக் கட்டணம் மற்றும் இதர செலவினங்களுக்கான தொகையும் இந்தத் திட்டத்தில் வழங்கப்படும்.

இந்த வகையிலான கட்டணங்களைப் பெறுவதற்கு முந்தைய காப்பீட்டுத் திட்டத்தில் வழிவகை செய்யப்படவில்லை.

அறுவைச் சிகிச்சைக்குப் பின்னர் தொடர் சிகிச்சை தேவைப்படும் சில வகை நோய்களுக்கு வரையறுக்கப்பட்ட தொகை தனியாக நிர்ணயித்து வழங்கப்படும். இதுவும் முந்தைய திட்டத்தில் வழிவகை செய்யப்படவில்லை.

அரசு மருத்துவமனைகள் மற்றும் அதன் செயல்பாடுகளை மேம்படுத்தும் வகையில், இப்போதுள்ள முறைகளை மாற்றி சிகிச்சைக்காக வரையறுக்கப்பட்ட தொகையை தனியார் மருத்துவமனைகளுக்கு அளிக்கப்படுவது போன்று அரசு மருத்துவமனைகளுக்கும் முழுமையாக வழங்கப்படும்.சில குறிப்பிட்ட சிகிச்சை முறைகள் அரசு மருத்துவமனைகளில் மட்டுமே அனுமதிக்கப்படும்.

தனி-சிறப்புப் பகுதிகள்: 

புதிய காப்பீட்டுத் திட்டத்தின் கீழ் அங்கீகரிக்கப்படும் அரசு மருத்துவமனைகளில் காப்பீட்டுத் திட்டத்துக்கென அனைத்து வசதிகளுடன் கூடிய தனி மற்றும் சிறப்புப் பகுதிகள் அமைக்கப்படும்.இதனால் புதிய காப்பீட்டுத் திட்டத்தின் கீழ் சிகிச்சை பெற மக்கள் அரசு மருத்துவமனைகளை அதிக அளவில் நாடி வருவர்.

அரசே நேரடியாக வழங்கும்: 

புதிய காப்பீட்டுத் திட்டத்தை செயல்படுவத்துவதற்கான காப்பீட்டு நிறுவனத்தைத் தேர்வு செய்வதற்கு உரிய நடவடிக்கைகள் மேற்கொள்ளப்பட உள்ளன.புதிய காப்பீட்டுத் திட்டம் தொடங்குவதற்கு முன் இடைப்பட்ட காலத்தில் உடனடியாக உயிர் காப்பதற்கான சிகிச்சைகள் தேவைப்படும் நோயாளிகளுக்கு இப்போதுள்ள அங்கீகரிக்கப்பட்ட மருத்துவமனைகளில் ஏற்கெனவே வரையறுக்கப்பட்டுள்ள மருத்துவச் செலவில் சிகிச்சை அளிக்க வழிவகை செய்யப்படும்.

இவ்வாறு அளிக்கப்படும் சிகிச்சைகளுக்கான மருத்துவக் கட்டணத்தை அங்கீகரிக்கப்பட்ட மருத்துவமனைகளுக்கு அரசே நேரடியாக வழங்கும்'.

. 

வித்தியாசம் என்ன? 

திமுக அரசின் காப்பீட்டுத் திட்டம் 

1 குடும்பத்துக்கு 4 ஆண்டுகளுக்கு ரூ.1 லட்சம் 

642 வகையான சிகிச்சை முறைகளுக்கு அனுமதி 

பரிசோதனைக்கான செலவுத் தொகைகாப்பீட்டுத் திட்டத்தில் அடங்காது 

சிகிச்சை முடிந்த பிறகு பரிசோதனை மற்றும் இதர செலவுகள் வழங்கப்படாது 

அரசின் புதிய காப்பீட்டுத் திட்டம் 

1 குடும்பத்துக்கு 4 ஆண்டுகளுக்கு ரூ.4 லட்சம் 

950 வகையான சிகிச்சைகளுக்கு அனுமதி

பரிசோதனைக்கான செலவுத் தொகை காப்பீட்டுத் திட்டத்தில் அடங்கும் 

பரிசோதனை மற்றும் இதர செலவுகள் காப்பீட்டில் சேர்க்கப்படும்.

நன்றி தினமணி...

என்றென்றும் பதினாறாக இருக்க சில யோசனைகள்

செக்ஸ் உணர்வை அதிகரிக்க நிறைய மருந்துகள் இருக்கின்றன. எள்ளுருண்டை, உளுந்து வடை, பால், நெய், கோதுமை, பாதாம்பருப்பு, பிஸ்தா பருப்பு, குங்குமப்பூ, வெங்காயம், முருங்கைக்காய், பனங்கற்கண்டு, போன்றவை மிகவும் சிறந்ததாகும். அமுக்கிராப் பொடி, ச்யவனப்பிராச லேகியம் போன்றவற்றையும் இதனுடன் சாப்பிடலாம். பேரீச்சம் பழமும் மிகவும் நல்லது. ஒரு அவுன்ஸ் தண்ணீரில் இரண்டு பேரீச்சம் பழத்தை நறுக்கிப் போட்டு முட்டையின் வெள்ளைக்கரு சேர்த்துக் கொள்ளவும். நான்கு பாதாம் பருப்பை பொடித்து 1 சிட்டிகை குங்குமப்பூ 1 ஸ்பூன் முருங்கைப் பூ கலக்கவும். இது மிகவும் சிறந்த பலனை அளிக்கிறது.

செக்ஸ் எண்ணத்தைக் குறைப்பதற்கு கடுக்காய் கலந்த கஷாயத்தைப் பயன்படுத்தலாம். தூக்கத்தில் விந்து வெளியாகும் ஆண்களுக்கு கடுக்காய், நெல்லிக்காய், தான்றிக்காய் மிகவும் சிறந்ததாகும். மனதை மகிழ்ச்சியாக வைப்பது ஆரோக்கியமான தாம்பத்தய வாழ்விற்கு வழிவகுக்கும்.

நாட்டு அமுக்கிரா, சீமை அமுக்கிரா என்ற கிழங்குகள் மருந்துக் கடையில் கிடைக்கும். அவைகளில் ஒன்றை வாங்கிப் பெருந்தூளாக இடித்து வைத்துக் கொள்ளவும். 20 வயதுக்கு மேற்பட்டவர்கள் வேளைக்கு 3 – 4 கிராம் எடுத்து 50 மி.லி. தண்ணீரும் 100 மி.லி. பசுவின் பாலும் சேர்த்துக் கொதிக்க வைத்து தண்ணீர் சுண்டிவிட்ட நிலையில் இறக்கி வடிகட்டிச் சர்க்கரை சேர்த்து சாப்பிடவும். காலை 6 மணி, இரவு படுக்கும் முன் இந்த பாலைச் சாப்பிட ஏற்ற வேளை.

மற்றொரு முறை அரை கிலோ அமுக்கிராக் கிழங்கை இட்லி வேக வைக்கும் பானையின் மேல் தட்டில் வைத்து, கீழே ஜலம் விடும் பகுதியில் 100 மி.லி. ஜலமும் 200 மி.லி. பசுவின் பாலும் விட்டு மூடி, இட்லி வேக வைப்பது போல் வேக வைக்கவும். ஆவியில் கிழங்கு நன்கு வெந்ததும் அதனை இறக்கி கிழங்கு களை மைய இடித்து வெயிலில் உலர்த்தவும். உலர்ந்ததை நன்கு தூளாக்கிச் சம அளவு ஜீனி சேர்த்து 5 கிராம் வீதம் காலை, இரவு உணவிற்கு பிறகு பாலுடன் சேர்த்து உட்கொள்ள என்றென்றும் 16 வயதாகவே திகழலாம்.

அஞ்சறைப்பெட்டி 07.07.2011

உள்ளுரில் இருந்து உலகம் வரை........

கேரள தலைநகர் திருவனந்தபுரத்தில், பிரசித்திப் பெற்ற பத்மநாப சுவாமி கோவிலையை திருவிதாங்கூர் மன்னர் குடும்பத்தினர் நிர்வகித்து வருகின்றனர். இக்கோவிலில், பாதாள அறைகளில் பாதுகாப்பாக வைக்கப்பட்டுள்ள தங்க, வைர, வெள்ளிப் பொருட்கள் குறித்து கணக்கெடுத்து இன்று வரை 5 லட்சம் கோடி மதிப்பு என கண்டறியப்பட்டுள்ளது.

இந்த மதிப்பின் மூலம் உலகில் பணக்கார சுவாமி இதுவாகத்தான் இருக்கும். அந்த காலத்தில் இருந்த கோயில்களில் இந்த ஒரு கோயிலில் மட்டும் இத்தனை நகை என்றால் நமக்குத் தெரிந்த கஜினி முகம்மதுவும், ஆங்கிலேயர்களும் எத்தனை கொள்ளை அடித்திருப்பார்கள் அவை எல்லாம் முறையாக நம்மிடம் இருந்தால் இன்று நாம் நாட்டின் நிலையை நினைக்கவே மகிழ்ச்சியாக இருக்கிறது. என்ன செய்வது நம் நாட்டிற்கு கொடுத்து வைத்தது அவ்வளவுதான்..

இந்த மாதிரி தமிழ்நாட்டில் ஒரு கோவில் இருந்து அதில் இத்தனை நகைகள் இருந்தால் நிலைமை என்னவாக இருக்கும்.

...............................................................................................

ஆந்திர அரசியலை கலக்குகிறது இப்போது தெலுங்கானா புயல் தெலுங்கான பகுதி எம்பி எம்எல்ஏக்கள் ராஜினாமா செய்ததால் பிரதமரும், சோனியாவும் அவசர ஆலோசனை நடத்துகின்றனர்.

இதே போல் இரண்டு வருடங்களுக்கு முன் தமிழக எம்பி எம்ஏல்ஏக்கள் தங்கள் பதவியை ராஜினாமா செய்து இருந்தால் இலங்கையில் நிச்சயம் ஒரு இலட்சத்துக்கு அதிகமான தமிழகர்கள் இறந்திருக்க வாய்ப்பில்லை...

...............................................................................................

ஈவிகேஸ் இளங்கோவன் மீண்டும் தனது தாக்குதலை ஆரம்பித்து விட்டார் எப்பவும் இவர் ஆளும் வர்க்கத்தைத்தான் அதிகம் தாக்குவார் ஆனால் இந்த முறை இவர் கட்சியில் உள்ள முக்கிய கூட்டணிக்கட்சியை போட்டுத்தாக்குகிறார்.

........................................................................................................

சென்னை தீவுத்திடல் அருகேயுள்ள ராணுவக் குடியிருப்பு வளாகத்தில் சிறுவன் தில்ஷனை சுட்டுக் கொன்ற நபரை ராணுவம் கடுமையான நடவடிக்கை எடுக்க வேண்டும். ஒரு பழம் பறிக்கப்போன சிறுவனை கொன்றது எல்லாம் என்ன சொல்ல...

........................................................................................................

பேஸ்புக் இணையத்தளத்துக்கு தடை விதித்துள்ள சீன அரசு, அந்த இணையத்தளத்தை விலைக்கு வாங்க முயற்சித்து வருவதாகத் தெரிகிறது.

சீன அரசின் முதலீட்டு அமைப்பான சீனா சாவ்ரீன் வெல்த் பண்ட், பேஸ்புக் இணையத்தளத்தின் முன்னாள் ஊழியர்களிடமிருந்து அந்த நிறுவனத்தின் பங்குகளை வாங்க முயற்சித்து வருகிறது.

பேஸ்புக் நிறுவனத்தின் முன்னாள் ஊழியர்களிடமிருந்து பங்குகளை விலைக்கு வாங்கும் நிறுவனத்துடன் இது தொடர்பாக சீன நிதி அமைப்பு பேசி வருகிறது. மேலும் சிட்டி பேங்க் மூலமாகவும் 1.2 பில்லியன் மதிப்புள்ள பேஸ்புக் பங்குகளை வாங்க சீனா முயன்று வருவதாகத் தெரிகிறது.

அதிகபட்சமான பங்குகளை வாங்கி, அதன்மூலம் பேஸ்புக் இணையத்தளத்தை தனது கட்டுப்பாட்டில் கொண்டு வர சீனா முயல்வதாகத் தெரிகிறது.

சுமார் 700 மில்லியன் பயனீட்டார்களைக் கொண்ட பேஸ்புக் இணையத்தளம் சீனாவில் தடை செய்யப்பட்டுள்ளது. எப்படியாவது சீனாவிலும் கால் பதிக்க பேஸ்புக் தீவிரமாக உள்ள நிலையில், அந்த நிறுவனத்தையே வாங்கி தனது கட்டுப்பாட்டுக்குள் கொண்டு வர சீனா தீவிரம் காட்டி வருகிறது.

பேஸ்புக்கை சீனா வாங்கத் திட்டமிட்டுள்ள செய்தி சீனர்களுக்கு கவலை அளிப்பதாக உள்ளது. தங்கள் வருத்தத்தை சில சீனர்கள் சமூக வலைதளங்கள் மற்றும் பிளாகுகளில் தெரிவித்து வருகின்றனர்.

........................................................................................................

அமெரிக்காவின் சாக்ரமென்டோ நகரில், அழுது கொண்டே இருந்த, பிறந்து 6 வாரமே ஆன தனது குழந்தையை மைக்ரோவேவ் ஓவனில் போட்டுக் கொலை செய்துள்ளார் அக்குழந்தையின் தாய்.

அவரது பெயர் கா யாங். 29 வயதாகும் இவருக்கு மிராபெல்லி தாவோ லோ என்ற பிறந்து 6 வாரமே ஆன பெண் குழந்தை இருந்தது. சம்பவத்தன்று தனது குழந்தையை மைக்ரோவேவ் ஓவனில் போட்டு கொடூரமாக கொலை செய்தார் கா யாங்.

தாய் என்ற சொல்லுக்கு தகுதியில்லாத பெண்...

நாட்டு நடப்பு

ஸ்பெக்ட்ரம் ஊழல் விவகாரத்தில் தயாநிதி மாறன் இன்று பதவி விலகிவிட்டார்.

தகவல்

கடந்த 1980-ம் ஆண்டுகளில் இருந்து செல்போன்கள் பயன்படுத்துபவர்களின் எண்ணிக்கை அதிகரித்து வருகிறது. செல்போன்களை அதிக அளவில் பேசுபவர்களுக்கு மூளை புற்றுநோய் உள்ளிட்ட நோய்கள் ஏற்பட வாய்ப்பு உள்ளதாக கூறப்பட்டது.

இதற்கிடையே சமீபத்தில் இங்கிலாந்து, அமெரிக்கா, சுவீடன் நாடுகளை சேர்ந்த விஞ்ஞானிகள் இதுகுறித்து விரிவான ஆய்வு மேற்கொண்டனர்.   அதில் செல்போன்களை அதிகம் பயன்படுத்துவதால் அதில் இருந்து வெளியாகும் கதிர் வீச்சினால் மூளை புற்று நோய் ஏற்படாது. அதற்கான சாத்திய கூறுகள் இல்லை என மறுப்பு தெரிவித்துள்ளனர்.

அறிமுக பதிவர்

இந்த வார அறிமுகப்பதிவர் என்னுள் நானே என்ற பெயரில் S.Deluckshana என்பவர் எழுதி வருகிறார். பல சமூக நோக்குடன் பல பதிவுகளையும், எதார்தமான பல பதிவுகளையும் பதிந்து வருகிறார்.

http://shanasiva.blogspot.com/

தத்துவம்

சளித்துக் கொள்பவன் ஒவ்வொரு வாய்ப்பிலும் உள்ள ஆபத்தைப் பார்க்கிறான். சாதிப்பவன் ஒவ்வொரு ஆபத்திலும் உள்ள வாய்ப்பை பார்க்கிறான்...

முடியாதது என்று எதுவுமில்லை ஆனால் எல்லாமே சுலபமாக முடிவதில்லை