புத்தகம் வெளியீட்டு விழா அழைப்பிதழ்...

வணக்கம் நண்பர்களே.,

எனது நீண்ட நாள் கனவு நனவாகப்போகிறது வரும் செப்ட்டம்பர் முதல் தேதி. நான் கனவிலும் நினைக்காத ஒன்று ஆம் எனது முதல் புத்தகம் வெளிவர இருக்கிறது. முகநூலில் எனது இதழ்களில் இருந்து உதித்த வரிகளை ( கவிதை என்று சொல்லமாட்டேன்) தொகுத்து ஒரு புத்தகமாக வெளியிடவேண்டும் என்பது என் நீண்ட நாள் ஆவல். அது நிறைவேறப்போகிறது.

முதலில் இதை புத்தகமாக போடலாமா என்ற சந்தேகம் மிக இருந்தது நண்பர்களின் ஊக்கத்தில் புத்தகமாக போடலாம் என்ற முடிவுக்கு வந்தேன் அப்போது முகநூலில் எனது வரிகளை தொகுத்து போடலாம் என்று இருக்கேன் என்ன பெயர் வைக்கலாம் என்று கேட்ட போது கிட்டத்தட்ட 200 நண்பர்கள் பதிலிட்டு இருந்தனர் அதில் நண்பர் சுரேகா எனக்காக கொடுத்த தலைப்பு தான் இதழில் எழுதிய கவிதைகள் அதையே தலைப்பாக்கினேன். இந்த புத்தகம் முன்னாடியே வர வேண்டிய ஒன்று நிதி நெருக்கடியால் தற்போது தான் வெளியிட நேர்ந்தது.

இந்த புத்தகத்தில் எனது மனதில் உதித்த காதல் மற்றும் முத்தத்தை நனவாக கொண்டது. காதலும் முத்தமும் பிரிக்க முடியாத ஒன்று காதல் வரிகளில் முத்தத்தை பிரிக்க முடியாது அது போத்தான் என் வரிகளும் அமைந்துள்ளது.

ஊடலுக்கு

பின்

தான்

அதிகமாகிறது

சந்தோசம்

அன்று

இரண்டு

சேர்த்து கிடைக்கும்

என்பதால்....

மற்றும்

காதோரம்

ஏற்பட்ட

சிலுசிலுப்பை

தள்ளிவிட மனமில்லை

தழுவட்டும் 

என்றிருந்தேன்

அவள் மூச்சு

காற்று என்பதால்....

நமக்கிடையே

நடக்கும்

போட்டியில்

நீ 

தோற்றால்

எனக்கொரு

முத்தம் தர

தயாராக இரு

நான் 

தோற்றால்

பல முத்தம்

தர தயாராகவே

இருக்கறேன்

இது போன்ற பல வரிகளை தொகுத்து எனது முதல் தொகுப்பாக உங்களின் பேராதரவோடு வெளியிட இருக்கிறேன்...

நான் முதலில் எழுத ஆரம்பித்தது பதிவில் தான் என்னை ஊக்கப்படுத்தி இந்த அளவிற்கு கொண்டு வந்ததும் பல நல்ல நண்பர்களையும், தரமான எழுத்துக்களையும் வாசிக்க அறிமுகப்படுத்திய இந்த பதிவுலகம் தான். இந்த பதிவுலக நண்பர்கள் எல்லாம் கூடும் போது எனது தொகுப்பை வெளியிடுவது தான் சரி அதனால் பதிவுலக நண்பர்களின் ஆசியோடு அன்று வெளியிடுகிறேன்...

அனைவரும் வருக நல் ஆதரவு தருக....

இப்புத்தகம் அகநாழிகை புத்தக உலகத்திலும். டிஸ்கவரி புக் பேலசிலும் கிடைக்கும்.

பதிவர் சந்திப்பு நடக்கும் இடத்தில் சலுகை விலையாக 50 ரூபாய்க்கு கிடைக்கும்.

புத்தக வெளியீட்டு விழா அழைப்பிதல்...

பூச்சாட்டியாச்சு... பதிவர் நோம்பிக்கு வந்திருங்க...

முத வருச நோம்பி சிறப்பா நடத்தியாச்சு.. ரெண்டா வருச செறப்பா நடத்த வேணும்ன்னு மெட்ராஸ் பதிவர் சனமெல்லாம் முடிவு செஞ்சு இந்த வருசமும் நோம்பிக்கு நாள் குறிச்சிட்டாங்க செப்டம்பர் முத ஞாயித்துக்கிழமை மெட்ராஸ் பட்டணத்துல வடபழனியில் இருக்கிற சினி மியூசியன்ஸ் அரங்கத்துல காலம்பர 9.30 மணிக்கு பல சிறப்பு விருந்தினர்கள் முன்னிலையில் விஐபி பதிவருங்க எல்லாரும் கலந்துக்கனுமுங்கோ..

நோம்பிக்கு வர்றவுங்களுக்கு வந்து தங்கறதுவங்க, காலங்காத்தால வந்து குளிச்சிட்டு நோம்பிக்கு வருவர்களுக்கு அதுக்கான இட வசதியை செய்யறது நம்ம ஆருர் முனா செந்திலுங்க.. அவருக்கு ஒத்தாசைக்கு ஒவ்வொரு ஊருக்கும் ஒரு ஆளை போட்டாச்சுங்க. அவுங்ககிட்ட நீங்க வரும் சமாச்சாரச்தை சொல்லிபுட்டீங்கன்னா எல்லாத்தையும் அவுங்க பாத்துக்குவாங்கங்க...

இவுங்க தாங்க அவுங்க...

· ஆரூர் மூனா செந்தில்
· அஞ்சாசிங்கம் செல்வின்
· சிவக்குமார் – மெட்ராஸ்பவன்
· பிரபாகரன் பிலாஸபி(சென்னை)
· தமிழ்வாசி பிரகாஷ் – மதுரை
· சதீஷ் சங்கவி – கோவை, ஈரோடு, சேலம்
· வீடு சுரேஷ்குமார் – திருப்பூர்
· கோகுல் மகாலிங்கம் – பாண்டிச்சேரி
· தனபாலன் - திண்டுக்கல்

நோம்பிக்கு வர்றவுங்க எல்லாம் முன்னாடியே உங்க வருகையை உறுதி சொல்லீட்டிங்கன்னாத்தான் விருந்துக்கு ஏற்பாடு செய்யறதுக்கு கரைக்கிட்டா இருக்கும். இந்த வருசம் கெடா விருந்தா வைக்கலமான்னு யோசிச்சிகிட்டு இருக்காங்க சாப்பாட்டுக்கடை குழுக்கல். கெடா விருந்தும் உண்டு சைவ சாப்பாட்டுக்காரங்களுக்கும் என்ன வகை உணவுன்னு முடிவு செய்யறதுக்குன்னு ஒரு குழு அமைச்சு அவுங்க வயிறு முட்ட சோறு போட தயாராகிட்டாங்க...

 இவுங்க தாங்க சாப்பாட்டுக்குழு...

காணாமல் போன கனவுகள் ராஜி
கேஆர்பி செந்தில்
கேபிள் சங்கர்
சிராஜூதீன்
ரஹீம் கஸாலி
அஞ்சாசிங்கம் செல்வின்
மெட்ராஸ் பவன் சிவக்குமார்
பிலாசபி பிரபாகரன்
ஆரூர் மூனா செந்தில்

விழாவில் இவரு தாங்க முக்கியமா ஆளு.. ஆமாங்க விழா நடக்கவேனும்னா கந்தாயம் வசூல் செய்யனுமுள்ள அந்த கந்தாயம் வசூல் பண்றதுக்கு மணியகாரை நியமிச்சாச்சு அது தாங்க நம்ம பட்டிக்காட்டான் ஜெய் இவரு நோட்ட வெச்சிகிட்டு ரெடியா இருக்கறாரு கந்தாய வசூலிக்க அப்படியே நன்கொடை தருபவர்களும் இவருகிட்டேயும் இவருக்கு உறுதுணையா நம்ம மதுமதிகிட்டேயும் அவுங்க கை பேசியிலோ அல்லது மின்அஞ்சலிலோ கூப்பிட்டு சொல்லிடுங்கோ...

நிகழ்ச்சி ஏற்பாட்டை எல்லாம் நம்ம கவிஞர் மதுமதி ஏத்துகிட்டு பம்பரமா சுத்திகிட்டு இருக்காருங்க எதாவது நிகழ்ச்சியில் உங்க பங்களிப்பு இருக்க வேனுமுன்னா உடனே அவருகிட்ட பேசிடுங்கோ..

சரிங்கோ எல்லா ஏற்பாட்டையும் சொல்லியாச்சு அடுத்து இந்த சந்திப்பில் எனது கவிதை தொகுப்பான இதழில் எழுதிய கவிதைகளும், நம்ம வக்கீல் அண்ணன் வீடு திரும்பல் மோகன் குமாரின் ஒரு கட்டுரை தொகுப்பும் வெளியாகுதுங்கோ.. எல்லாரும் நோம்பிக்கு வந்து கொண்டாடிட்டு, கிடா விருந்த முடிச்சிட்டு போகும் போது எங்க புத்தகத்தையும் வாங்கிட்டு போங்க சாமியோவ்...

மறக்காம நோம்பிக்கு வந்திருங்கோ... உங்களுக்காக உங்களுக்கு புடித்த பதிவரெல்லாம் காத்திகிட்டு இருக்கோமுங்கோ... வாங்க சந்திப்போம், அளாவடுவோம், புதிய சிநேகிதர்கள் கிடைச்ச சந்தோசத்துல திரும்பிவோம்... 

மறக்காம வந்திடுங்கோ சென்னை பட்டிணத்துக்கு....

இப்படித்தான் இருக்கவேண்டும் பிரபல ( பிராபல) பதிவர்கள்????

சமீபத்தில் மட்டுமல்ல பதிவுகில் அனைவருக்கும் உள்ள மனக்குமறல் இது தான் யார் பிரபல பதிவன்... நான் இரண்டு வருடமாக பதிவு எழுதுகிறேன் அப்ப நான் பிரபல பதிவனா இல்லையா என்று ஒவ்வொருவருக்கும் ஒரு மனக்குமறல் நிச்சயம் இருக்கத்தானே செய்யும். எல்லோரும் பிரபலம் ஆக வேண்டும் என்பது வெளியே சொல்ல வில்லை என்றாலும் மனதிற்குள் ஆசை நிச்சயமாக இருக்கும் இதுவும் ஒரு போதை என்றே சொல்லலாம். 

பதிவுலகில் பிரபல பதிவர் என்பவர் எப்படி இருக்கவேண்டும் அவரிடம் என்ன எதிர்பார்க்கிறோம் என்பதை எனக்கு தெரிந்த நண்பர்களை அவர்கள் பிரபல பதிவரா என்பது தெரியல அவர்களிடம் விளக்கம் கேட்போம்...

சிபி செந்தில் குமார்...

பிரபல பதிவர் என்பவர் யார் ?

பிரபல பதிவர் என்றால் அவர் தமது பதிவை தவிர வேறு பதிவிற்கு பின்னூட்டமிடாதாவராக இருக்கவேண்டும்
யாரையும் பாராட்ட மாட்டார், அவரின் எழுத்துக்ளுக்கு அனைவரும் ஓட்டு போட வேண்டும்.. படிக்க வேண்டும் என நினைப்பவர், பதிவர் சந்திப்பு என்று வந்தால் அவரைக் கேட்டுத்தான் எல்லாம் செய்ய வேண்டும் என்று பலர் இப்படி நினைத்துக்கொண்டு இருப்பார்கள் ஆனால் அது பொய்யான தோற்றம் என்று அறியாமல்...

நீங்கள் பிரபல பதிவரா?

ஹி ஹி அப்படி எல்லாம் இல்லை... நான் பதிவர் என்பதில் தான் எனக்கு மகிழ்ச்சி...

கோவை நேரம் ஜீவா

பிரபல பதிவன் என்பவன் யார்?

அப்படின்னா என்னா ?..ரெண்டு கொம்பு முளைச்சு இருக்குமா...?ஹி ஹி ஹி ... பின்னு விக்கிறவன் புண்ணாக்கு விக்கிறவன் லாம் தொழில் அதிபர்னா அப்புறம் என்ன பண்றது..?

 நீங்கள் பிரபல பதிவரா?

சத்தியமா இல்லீங்க சாமியோவ்...ஆனா .நம்ம நண்பர்கள் எங்காவது கூப்பிட்டா ஒடோடி வருவேன்.ஏதாவது பேசி ரொம்ப மகிழ்ச்சியா இருப்போம்.எந்த ஒரு பாரபட்சமும் இல்லாமல் பழகுவோம்.நட்பை எதிர்பார்த்து காத்து இருப்பேன் ..

வீடு திரும்பல் மோகன்

பிரபல பதிவன் என்பவன் யார்? 

பிரபல பதிவர் என்பவர் நிறைய மக்களால் விரும்பி வாசிக்க படுபவர். ஒவ்வொரு காலத்திலும் சிலர் பிரபலங்களாக இருக்கலாம். ஒரு காலத்தில் எஸ். பாலபாரதி போன்றோர். பின் உண்மை தமிழன் முதலிய பதிவர்கள். இப்போது கேபிள் போன்ற சிலர் இவர்களெல்லாம் பிரபல பதிவர்கள் என நினைக்கிறேன். ஆனால் பிரபல பதிவர் என்றால் தொடர்ந்து வலையுலகில் இயங்க வேண்டும். இப்போது எழுதாமல் எப்போதோ எழுதியவர்கள் முன்னாள் பிரபல பதிவர்கள் என்று மட்டுமே கொள்ளலாம். 

நீங்கள் பிரபல பதிவரா...?
 

நான் பிரபல பதிவரா என்று நீங்கள் கேட்டால் சொல்ல தெரியலை. மற்றவர்கள் தான் சொல்லணும். சமீபமாய் நிறைய விமர்சிக்க, எதிர்க்கப்படுவதால் ஒரு வேளை கொஞ்சம் அப்படி ஆகி வருகிறோமோ என்று சந்தேகம் வருகிறது.

நாய் நக்ஸ் நக்கீரன்...

பிரபல பதிவன் என்பவன் யார்?

 
பதிவுலகில் அனைவரின் நண்பராக ஏற்றுக்கொண்டு எதிரிகளே இல்லாமல் அனைவருடனும் சுமுகமாக பழகுவரே பிரபல பதிவர்.. பதிவுலகில் அனைவராலும் விரும்பப்படுபவரே... பதிவுலகில் கருத்து வேறுபாடு இருந்தாலும் தனிப்பட்ட வகையில் அனைவராலும் விரும்பப்படுபவேரே பிரபல பதிவர்.

நீங்கள் பிரபல பதிவரா?

ஆம்.. நிச்சயமாக.. நான் பதிவே போடாவிட்டாலும் அனைவராலும் விரும்பப்படுபவன் என்ற கருத்தில் நான் பிரபல பதிவனே...

அஞ்சா சிங்கம்

பிரபல பதிவன் என்பவன் யார்?

என்னங்க இவ்ளோ கஷ்டமான கேள்வியை எல்.கே.ஜி. பையன்கிட்ட போயி கேட்டுடீங்க . எனக்கு தெரிஞ்ச வரைக்கும் சொல்றேன் .

 
அடிக்கடி அவதானிப்பு , பின்நவீனத்துவ போன்ற வார்த்தைகளை உபயோகிக்கவேண்டும் . பதிவை போட்டுவிட்டு அப்படியே காணாமல் போய்விடவேண்டும் . யாராவது பின்னூட்டத்தில் கேள்வி கேட்டால் ஒருவருக்கும் பதில் சொல்லகூடாது கமுக்கமா இருக்கணும் . 

என்னைத்தவிர வேறு யாராவது பதிவு எழுதுகிறார்களா .? தெரிந்தால் சொல்லவும் என்று அப்பாவித்தனமாக ஸ்டேட்டஸ் போடவேண்டும் .வேறு யாருடைய பதிவிற்கும் சென்று பின்னூட்டம் போட கூடாது . அப்படியே போட்டாலும் இரண்டு வார்த்தைகளுக்கு மிகாமல் பார்த்து கொள்ளவேண்டும் .

 
(உ .தா). கிரேட் நேரஷன் . ...............அருமை தோழரே ........................மொக்கை சிரிப்புவரவில்லை ....இத்யாகி இத்யாகி .....  (Tm 2012)

முக்கியமான பாய்ன்ட்:- கொட்டை பாக்கும் கொழுந்து வெத்திலையும் வைத்து கூப்பிடாத எந்த நிகழ்ச்சியையும் புறக்கணிக்க  வேண்டும் . விதிவிலக்காக விருது ஏதும் தந்தால் கலந்து கொள்ளலாம் .

நீங்கள் பிரபல பதிவரா?

 
ஏன் சாமி நான் நல்லா இருக்கிறது பிடிக்கலையா .? 

 
இப்போ எல்லாம் ராத்திரி படுத்தா உடனே தூக்கம் வருது . நான் பிரபல பதிவர் ஆகிவிட்டால் என் நிலைமை என்ன ஆவது . இதற்க்கு சிகிச்சை வேறு கிடையாது என்று சொல்கிறார்கள்  

வீடு சுரேஷ்

பிரபல பதிவன் என்பவன் யார்?

தலையில் இரண்டு மாய கொம்புகள் முளைத்திருக்க வேண்டும், இலக்கியமாக எளிய நடையில் இல்லாமல் புரியாமல் எழுத வேண்டும். அது மாதிரி எழுதுகின்ற நண்பர்களுடன் மட்டுமே பழக வேண்டும், முக்கியமாக புதிய பதிவர்களை புழுவைப் பார்ப்பது போல் பார்க்க வேண்டும். எதாவது பத்திரிக்கையில் குப்பை கொட்ட வேண்டும்.

நீங்கள் பிரபல பதிவரா?

எல்லாருக்கும் பிடித்த பதிவர் என்று வேண்டுமானால் வைத்துக் கொள்ளலாம்...! (சண்டை போட்டாலும் நான் நட்பு விரும்பி)ஆனால் நான் பிரபல பதிவர் கிடையாது...! அதற்கான தகுதி எள்ளவும் கிடையாது..! ஆனாலும் கார்ட்டுனிஸ்ட் பாலாவின் கருத்தை இங்கே பதிகின்றேன்....

"பத்திரிகைகளில் குப்பைக் கொட்டும் அப்பாட்டக்கர்களை விட ஃபேஸ்புக்கிலும், ப்ளாக்குகளிலும் எழுதும் பலர் பிரமாதமாக எழுதுகிறார்கள்.. :)"...

இவர்கள் கருத்தில் எனக்கு என்ன புரிகிறது என்றால் பிரபல பதிவர் என்பது அவர் நடந்து கொள்ளும் விதத்தையும் மற்றவர்களை வழிநடத்துவதிலும் இருக்கிறது... ஒரு இடத்தில் உட்கார்ந்து கட்டுரை எழுதினால் போதாது தன்னை மதிப்பவர்களை மதிக்க தெரிய வேண்டும் என்பது உணர்கிறது...